criticts

2009-01-29T18:56:00.002Z

ætla að henda inn einni nýrri færslu upp á gamanið. tvær hljómsveitir eru að fara að gefa út nýjan disk í mars sem ég er spenntur fyrir, það eru röyksopp og prodigy. junior heitir diskurinn sem röyksopp er að fara að gefa út og eru nú þegar hægt að hlusta á tvö ný lög á heimasíðunni þeirra, það eru lögin happy up here og happy birthday

röysopp spilari

prodigy er að fara að gefa út diskinn invaders must die sem er fyrsti diskur prodigy þar sem keith flint, liam howlett og maxim síðan fat of the land kom út. lögin invaders must die og omen eru komin í spilun og eru þau bæði hress, fersk og má alveg dansa við.

omen og invaders must die

2008-05-19T00:01:00.002Z

dísa, dóttir jakobs frímanns magnússonar og ragnhildar gísladóttur hefur greinilega erft sönghæfileika foreldra sinna því það sem ég hef heyrt með henni er stórgott. hún hefur innblástur frá gæða hljómsveitum, saman ber boards of canada, radiohead, bang bang, zero 7, amon tobin og blonde readhead svo eitthvað sé nefnt (tekið af mæspeisinu hennar undir uppáhalds tónlistarmenn) og það virðist skila sér í tónlist hennar þó hún sé nú ekki beint lík þessum hljómsveitum.

hún er góð söngkona og semur góð lög, allt sem er á myspace síðunni hennar er gaman að hlusta á og ég verð að fara að verða mér út um plötuna hennar sem kom út síðasta föstudag eftir því sem ég kemst næst.

http://www.myspace.com/disamusic mæli með anniversary og missing part

2008-05-15T12:08:00.002Z

meira bang gang. en nú er komið í ljós að bang gang mun spila á lunga í sumar á seyðisfirði. eftir því sem ég best kemst er bang gang fyrsta nafnið sem birt hefur verið sem boðar gott. ég held því að allir ættu að skella sér á listahátíð ungs fólks á austurlandi í sumar.

ghost from the past, titillag plötunnar er svo komið á myspace síðuna hjá barða þannig að ég minni á http://myspace.com/banggangband

2008-05-07T21:53:00.002Z

ætla að skella inn lítilli færslu þar sem ég er ekki búinn að skrifa neitt lengi. en fréttir eru á kreiki um að það styttist í nýju bang gang plötuna sem ég held að eigi að koma út í sumar.

þetta er sá diskur sem ég er hvað spennastur fyrir að komi út núna á næstunni en aftur á móti er ég ekki búinn að heyra mikið af því hvaða hljómsveitir eru að fara að gefa út diska í sumar, beck á eftir að gefa út disk veit ég. það verður þó vonandi gott tónlistarsumar.

en það er komið á hreint að bang gang diskurinn mun heita ghosts from the past og það er nú þegar komið lag í spilun sem heitir i know you sleep. ég get ekki sagt að þetta sé besta lag sem barði hefur gert en það lofar samt góðu. hægt er að hlusta á stytta útgáfu af laginu á mæspeis bang gang.

http://www.myspace.com/banggangband

2008-03-31T18:18:00.002Z

til er aragrúi af góðum íslenskum hljómsveitum sem eru hættar en það eru tvær hljómsveitir sem að mér finnst að ættu að taka sig saman og koma með comeback tónleika árið 2008. jafnvel á iceland airwaves.

önnur hljómsveitin er botnleðja sem er með betri rokkhljómsveitum sem sungið hafa á íslensku, unnu músíktilraunir 1995, hafa gefið út 5 breiðskífur og unnið til margra verðlauna á íslensku tónlistarverðlaununum t.d. besta lag ársins, besta plata ársins og besta hljómsveit ársins.

hressir og sprækir, leyfðu blur að nota "whoo-hoo" úr laginu þið eruð frábær í stórsmellinum song2 og fóru svo með þeim í tónleikaferðalag til bretlands. væri gaman að sjá þá koma saman og taka eitt stykki tónleika.

http://myspace.com/botnledja

hin hljómsveitin er quarashi, og þá er ég að tala um upprunalegu myndina, með hjössa og án tiny. hljómsveitin sem meikaði það næstum í bandaríkjunum og er meira að segja með lag í myndinni 2 fast 2 furious og í þáttunum alias og smallville.

gríðarlega frægir á íslandi og allar þeirra plötur (sem hafa alltaf bara verið gefnar út í 6000 eintökum) hafa selst upp og þar með farið í gull. ég fór einmitt á síðustu tónleika qurashi áður en þeir hættu sem voru haldnir í ka heimilinu af öllum stöðum. mjög góðir tónleikar en ég væri til í að sjá þá spila með hössa þar sem ég held að það sé mun betra.

http://www.myspace.com/quarashimusic

þannig að nú ættu forráðamenn airwaves að demba sér í það að tékka hvort þessar tvær hljómsveitir séu ekki meira en spenntar fyrir að taka eins og eina comeback tónleika á árinu.

2008-03-30T23:36:00.003Z

það er alltaf gaman að fara á tónlistarhátíð, það sem er hins vegar gríðarlega súrt er þegar maður kemst að því að hljómsveit sem manni finnst skemmtileg en þekkti ekki á þeim tíma var að spila á hátíðinni. dæmi um þetta eru pendulum á hróaskeldu 2006, justice á hróaskeldu 2007 og svo það nýjasta: ungdomskulen á iceland airwaves 2007. held meira að segja að þeir hafi líka verið á annari hróaskeldunni.

hver hefði haldið að einhverjir 3 gaurar frá noregi væru eitthvað skemmtilegir og þess virði að eyða dýrmætum tónlistarhátíðartíma í? allavegana eiga þeir eitt gott lag, modern drummer, og ég ætla að setja myndbandið við það hérna. roosalega steikt myndband þannig að fólk getur eiginlega bara startað myndbandinu, sett svo gluggann niður og hlustað bara á lagið.

2008-01-16T18:57:00.000Z

nýjasta afurð gamalreyndu jaxlanna í chemical brothers kom út í fyrra og eins og nokkrar aðrar 2007 plötur er ég bara að hlusta á þær fyrst núna. ég var búinn að lesa misjafna dóma um þessa plötu, sumir segja að hún sé góð á meðan aðrir segja að hún sé sorp. eins og t.d. rjominn.is sem gefur henni einn í einkunn af fimm mögulegum og segir að þetta sé argasta skran. eftir að hafa hlustað á plötuna sjálfur nokkrum sinnum verð ég bara að segja að ég verð að vera þeim ósammála.

þetta er fínasta e-pillu dansplata með auðmeltanlegum slögurum inn á milli. lög sem hafa verið að meika það eru lög á borð við do it again og the salmon dance (skemmtilegt lag um fiskadans og fróðleik um laxa).

svo var verið að tilkynna það í dag að chemical brothers verði að spila á hróaskeldu árið 2008. þannig að næsti hrói er strax orðinn spennandi. en ég segi að þetta sé góð plata, veit ekki við hverju fólk sem drullar yfir hana hafi verið að búast við þegar þessi plata kom út, ekki endalaust hægt að gera smelli eins og "block rockin beats" og "hey boy/girl"

http://www.myspace.com/thechemicalbrothers

2008-01-12T19:24:00.000Z

ian "apamaður" brown, fyrverandi söngvari stone roses, sendi út á árinu sem var að líða nýjan disk. ef fólk er spennt fyrir stone roses eða því sem ian brown hefur gefið út áður, að þá ætti það ekki að vera ósatt með þennan disk.

það sem er nýtt við þennan disk miðað við hina sóló diska ian's er að nú virðist hann vera kominn með svaka strengjahljómsveit með sér án þess þó að losa sig við elektrónísku hlið sína sem hann hefur verið þekktur fyrir eftir að hann hætti í stone roses.

http://myspace.com/ianbrown

veit ekki alveg hvað hann er að spá á þessu myspace-i sínu þar sem hann er með japanska útgáfu af sister rose, einu besta lagi plötunnar. greinilega á að leggja undir sig asíu markaðinn.

2008-01-11T19:34:00.000Z

ég verð bara að gera breytingu á árslistanum mínum fyrir árið 2007 og setja in rainbows með radiohead á hann. ég var ekkert búinn að hlusta á hann og nú árið 2008 ákvað ég að gera það og hann er bara svona stórgóður.

radiohead tekur því fjórða sætið af the rapture sem þar með detta niður í fimmta sæti og bloodgroup fara niður í það sjötta.

2008-01-09T12:38:00.000Z

dansmyndbönd eru náttúrulega bestu myndbönd í heimi. hljómsveitir eins og ok go hafa masterað að gera góð dansmyndbönd þar sem venjulegir menn læra einhverja töff dansa og framkvæma þá að stakri snilld.

yelle er enn eina franska elektróníku hljómsveitin og virðist sem frakkar geti ekki annað en dælt út slíkum hljómsveitum í tonnatali. þau gáfu út disk á árinu 2007 en ég ætla ekkert að tala um hann heldur myndband við eitt lag af honum, þ.e. myndband við remix útgáfu af þessu lagi. þetta er dansmyndband og mjög skemmtilegt í þokkabót. nú ætla ég bara að læra þennan dans, blasta hann á kaffi ak og vera hetjan á dansgólfinu.

2008-01-01T18:45:00.000Z

árið 2007 var rosalega rólegt hvað varðar tónleika erlendra stórhljómsveita hér á landi. þetta var eiginlega ár risaeðlanna, gamlir rokkhundar voru hvað mest sýnilegir. til dæmis komu hljómsveitirnar deep purple, toto, skidrow og jethro tull, ekki yngstu mennirnir en þeir eiga að hafa rokkað spik feitt.

hljómsveitir aðeins nær nútímanum voru air, the rapture, incubus og chris cornell. ég sá ekkert af þessu. verð ég að segja að árið á undan var mun betra hvað svona einstaka tónleika varðar. það voru þó margir góðir tónleikar með íslenskum hljómsveitum og báðar tónlistarhátíðirnar, hróaskelda og airwaves, sem ég fór á stóðu fyrir sínu.

það verður samt að segjast að 2007 hafi verið ár plötusnúðanna. erlendir plötusnúðar voru fluttir inn í stórum stíl, menn eins og dirty south, tiesto, dj megamix og hvað þeir heita nú allir ásamt því að innlendir plötusnúðar hafi farið mikinn. allir skemmtistaðir og útvarpsstöðvar á kvöldin ómuðu af dj leibba, ghost og brunheim, flex ásamt exos og plugged. þetta var basicly út um allt.

þannig að fyrir 2008 segi ég fleiri tónleika og minna af þessum skífuþeyturum,

2007-12-24T15:45:00.000Z

tvöþúsund og sjö er búið að vera þrusu fínt tónlistarár, bæði erlendis og innanlands. fullt af nýjum hljómsveitum hafa gefið út efni ásamt því að gamlar góðar hljómsveitir gefi út nýja diska eins og t.d. radiohead, queens of the stoneage, interpol og smashing pumpkins svo eitthvað sé nefnt.

ég ætla að taka saman það sem mér fannst standa upp úr, gefa einhver verðlaun, drulla yfir það sem mér fannst sökka og því ætla ég að byrja þennan pistil á því að lýsa yfir vonbrigðum mínum með bloc party. þeir gáfu út diskinn weekend in the city sem svo sannarlega verður betri með hverri hlustun en hann verður aldrei nógu góður. lélegir textar og skortur af dínamík gera þennan disk frekar ómerkilegann og ef þetta hefði verið frumraun þeirra að þá hefði ég skotið þá á kaf og ekki hlustað á meira frá þeim. bloc party sem sagt vonbrigði ársins 2007.

en úr vondu yfir í gott að þá eru margar nýjar hljómsveitir búnar að gefa út fyrsta diskinn sinn. fullt af ungum íslenskum hljómsveitum komu upp á sjónarsviðið, bloodgroup, benny crespo's gang, jakobínarína, sometime, lada sport, sprengjuhöllin og hjaltalín eru allt hljómsveitir sem gáfu út frumburð sinn á árinu. fleiri nýjar hljómsveitir gáfu út efni, meðal annars motion boys, steed lord og últra mega technobandið stefán. hægt er því að segja að íslensk tónlist hafi aldeilis fengið að blómstra þetta árið því gamlir jálkar eins og megas gáfu líka út nýtt efni, stórstjörnur á borð við björk, mugison, gus gus, hjálma og mínus gáfu líka út nýja diska sem allir voru afbragðsgóðir og fengu víðast hvar mikið lof.

plötur erlendis frá voru af mörgum toga. það sem mér fannst samt merkilegt þegar ég var að taka saman nýjar plötur eru hvað það voru margar hljómsveitir sem voru að gefa út disk númer tvö. band of horses, bloc party, arcade fire, arctic monkeys, lcd soundsystem, go! team og kaiser chiefs eru allt dæmi um hljómsveitir sem gáfu út sinn annan disk og voru þetta mjög góðir diskar, nema náttúrulega weekend in the city með bloc party.

ég er samt að spá í að fara yfir í það að gefa einhver verðlaun fyrir ýmsan árangur.

ljótustu plötuumslög ársins innan- og utanlands:
jakobínarína og smashing pumpkins. hægt að sjá umslögin með að smella á hljómsveitarnöfnin.

besta nafn á plötu:
supercalifragilisticexpialidocious eftir sometime. þetta er nafn sem enginn getur munað, borið fram eða skilið og því fær það þessi verðlaun.

texti ársins:
textinn við lagið homecoming með the teenagers er að mínu mati besti texti ársins. hann er fyndinn og sýnir tvær mismunandi hliðar á sama máli.

versti tónlistarmaður ársins:
mika.. það er bara ekkert gott við þennan mann. hann gaf út disk á árinu sem var þeim "gæðum" gæddur að lögin á disknum fóru alltaf versnandi. til að undirstrika þetta að þá er fyrsta lag disksins ógeðslega leiðinlegt, þannig að þið sjáið hversu slæmur diskurinn er. mika gerðist líka svo grófur að covera lagið teardrop með massive attack. ég hef ekki heyrt aðra eins útreið á einu lagi og frekar vil ég láta draga mig eftir malbiki á 100km hraða en að hlusta á þessa útgáfu aftur. mika er því vel að þessum titli kominn.

en þá er það bara nokkurn vegin komið og ekkert eftir nema birta lista yfir 5 bestu plötur ársins. þessi listi inniheldur bæði íslenskar og erlandar hljómsveitir og því var gríðarlega erfitt að velja í þessi fimm eftstu sæti og er nokkuð ljóst að margir eiga eftir að vera mér ósammála í valinu, en þeir geta þá bara gert sinn list.

plöturnar eru:

5# sticky situation með bloodgroup

skemmtileg plata sem inni heldur dansvæn lög og því er meira að segja enn skemmtilegra að vera á tónleikum með þeim. góður diskur, margir tónleikar, lönduðu plötusamning. þetta hefur verið gott ár fyrir bloodgroup.

4# pieces of the people we love með the rapture

það er ekki hægt að vera fúll og hlusta á þennan disk, ekki möguleiki. þetta er diskur sem fær jafnvel danshræddustu menn aðeins til að dilla sér.

3# cross með justice

ef þú ert á leið í party og þarft að koma þér í gírinn að þá er þessi diskur algjörlega málið. frakkar eru greinilega sú þjóð sem kann að gera bestu raftónlistina saman ber justice, daft punk og air.

2# benny crespo's gang með benny crespo's gang

diskur sem hefur verið lengi í framkvæmd kom loks út og þau mega svo sannarlega taka sér svona langan tíma í að gera næsta disk ef hann verður eitthvað í líkingu við þennan. ekki einn veikan blett hægt að finna á þessum disk, dúndur rokkaplata sem rúllar viðstöðulaust í gegn.

1# myth of the near future með klaxons

klaxons eiga bestu plötu og bestu tónleika ársins að mínu mati. dans/rokk elektróník sem hittir beint í mark. nú verður maður bara að krossleggja fingurna og vona að þeir kúki ekki á sig með disk tvö eins og bloc party gerðu.

2007-11-15T23:47:00.001Z

bloc party, hljómsveit sem ég dýrkaði á sínum tíma og ber enn mjög mikla virðingu fyrir. þeir hafa hins vegar misst þennan dýrkunarstimpil sem eitt sinn var á þeim. eftir að hin óviðjafnanlega plata silent alarm kom út þá hefur allt verið niður á leið.

á eftir silent alarm kom út meðalmennsku platan weekend in the city sem jújú venst ágætlega en ekkert sem maður nennir að hlusta á dag eftir dag. nú er það nýjasta nýtt, lagið flux. þetta er farið að stefna í smá europop og orðið vel væmið. algjörlega hægt að dansa við í miklu ölæði svo lengi sem maður hlustar ekkert á textann.

ég hef ekkert á móti því að hljómsveitir þróist og spili ekki nákvæmlega sömu tónlist á disk eftir disk en þó er algjörlega óþarfi að skipta úr svörtu yfir í hvítt eða hvernig sem fólk vill orða það. verð að segja að ég vil aftur fá lög í silent alarm stíl.

nýja lagið flux á http://myspace.com/blocparty

2007-11-13T23:16:00.000Z

ég gerðist nú svo grófur að kaupa mér geisladisk, sem ég hef ekki gert í langan tíma. var það fyrsti diskur benny crespo's gang sem var að koma út. bjóst ég við miklu af honum þar sem ég hafði mikið hlustað á þrjú lög á myspace-inu þeirra og dýrkaði.

diskurinn stenst allar væntingar og gott betur en það, eins og með flesta diska verður hann betri við hverja hlustun og gæti ég trúað að ég verði búinn að læra alla textana við lögin þeirra fyrir næstu tónleika, ef ekki þá er ég með þá alla í bæklingnum sem fylgdi með. les þá bara þar.

ég segi allavegana að allir ættu að prófa að hlusta á þetta og eigandi græna ætti að fá þau að spila.

http://myspace.com/bennycresposgang

2007-11-01T22:48:00.000Z

þá er iceland airwaves 2007 búið, fyrsta airwaves hátíðin sem ég fór á. ég sá fullt fullt af hljómsveitum spila, bæði íslenskum og erlendum, litlum og stórum, góðum og lélegum.

er að spá í að telja bara upp það sem stóð upp úr og það sem voru mestu vonbrigðin. til að starta þessu voru krakkarnir í worm is green ótrúlega góð, flott og með klikkað ljósashow. bloodgroup voru hress að vanda og stóðu fyrir sínu. dikta voru þeir sem komu mér mest á óvart, voru með flotta tónleika þar sem söngvarinn fór á kostum og endaði á því að trasha hljómborðinu sínu. mugison var gríðarlega flottur ásamt því að vera gríðarlega drukkinn, var með flotta hljómsveit þar sem m.a. pési ben spilaði á gítar og mun ég tvímannalaust fara á hann aftur á græna hattinum 8. nóv.

mesta svekkjelsið var líklegast að vera veikur síðasta daginn og því ekki geta notið annars fínna bloc party tónleika. hefði viljað vera að rokka í crowdinu en sat í staðin sveittur og illa líðandi á stól upp á svölum. næst mesta svekkjelsið voru ghostdigital og hairdoctor sem mér fannst bara plain lélegt, verð að segja að ég bjóst við meiru.

annars var þetta bara frábær hátíð, sá fullt meira sem ég nenni ekki að skrifa um..

2007-09-17T22:01:00.000Z

hljómsveitin ég er þekkt fyrir skemmtilega texta og góða hljóðfæraspilun og er því ein af þeim hljómsveitum sem airwaves farar verða að sjá. ég minnist þess þegar ég fór á ég tónleika að hafa skemmt mér mjög vel.

þeir spila smellið grínpop og eru sponseraðir af sjálfum eiði guðjónsen og ættu margir að kannast við lagið eiður smári guðjónsen sem var spilað alveg þó nokkurn helling sumarið 2005, ef ekki þá er hægt að heyra lagið á myspace-inu þeirra.

http://www.myspace.com/hljomsveitineg

ég er ekki frá því að britney sé vinsælli nú en nokkurtíman fyrr af fjölmiðlun því nú er hún sögð ætla að múta k.fed til að fá forræði yfir börnunum þeirra, shit..

svo sá ég eitt það mest twisted sem ég hef séð en það er einhver mad britney spears aðdáandi sem er að segja fjölmiðlum að láta britney vera ásamt því að taka upp sig vera að syngja britney lög. by the way þá er þetta gaur..

chris crocker að grenja og verja britney
chris crocker - gimme more

2007-09-13T23:26:00.000Z

áfram með airwaves en þar er pétur ben að spila. ég var að koma af tónleikum með honum sem voru líklega þeir persónulegustu sem ég hef farið á ef þannig má að orði komast. tónleikarnir voru á hrafnagili í litlu samkomuhúsi þar sem 70-80 manns sátu og hlustuðu á hann syngja lög sín, cover lög, þjóðlög og kvæði í um einn og hálfann tíma.

það sem var skemmtilegra við þessa tónleika en aðra sem ég hef farið á með pétri ben var að þarna spilaði hann á til skiptis á kassagítar og flýgil, ásamt því að nota ýmsa hljóðgervla og tölvuapparat sem hann var að fá sér og prófa í fyrsta skipti.

hann náði vel til áhorfenda sem voru fengnir til að syngja með í ýmsum lögum ásamt því þar sem hann sjálfur brá sér út í sal, stóð á stól og spilaði og söng. virkilega góðir tónleikar og ef fólk hefur ekki séð pétur ben live þá er algjörlega málið að fara á hann á airwaves.

http://myspace.com/peturben

ekkert nýtt að frétta af britney...

2007-09-12T21:00:00.000Z

nú er um mánuður í iceland airwaves og ekki seinna en vænna að að rannsaka það sem er í boði. ég man eftir að hafa farið á tónleika með jan mayen í sjallanum fyrir einhverjum árum, nýverið eftir að þeir gáfu út fyrsta disk sinn. nú hafa þeir gefið út annan disk og hafa verið þó nokkuð í spilun í útvarpinu, einkum lagið joy ride.

ég held að ásamt mörgum öðrum séu jan mayen hljómsveit sem vert er að skoða á airwaves þar sem þeir eru ferskir og nýja efnið þeirra hljómar gríðarlega vel.

http://www.myspace.com/janmayen (skoða joyride og bez)

meira er svo í fréttum af britney spears því hún kom nú fyrst fram í langan tíma og var það á mtv music awards. hún á samt að hafa staðið sig agalega og að hún hafi ekki einu sinni sungið sjálf heldur hafi rödd hennar verið spiluð af segulbandi. hún á að hafa dansað illa og alls ekki verið í sínu besta formi, meira að segja á hún að hafa grátið baksviðs eftir atriðið. comeback-ið eitthvað að fara úr böndunum hjá stelpunni

2007-09-09T15:45:00.000Z

nú er iceland airwaves í október og ekki seinna en vænna að fara að skoða hvaða hljómsveitir eru að fara að spila og á hvað maður á að kíkja á. ég er hér búinn að gera lista yfir þær hljómsveitir sem ég er spenntastur fyrir að sjá en þess má geta að það eru líka hljómsveitir sem eru að fara að spila sem ekki komust á listann en væri gaman að sjá.

Ampop
Benny Crespo's Gang x
Bertel
Bloodgroup
Dikta
Ég x
FM Belfast
GusGus x
Hairdoctor x
Jan Mayen x
Leaves x
Lights on the Highway
Motion Boys x
Mr. Silla & Mongoose
múm
Samúel J. Samúelsson Big Band x
Singapore Sling x
Skátar
Sometime
Soundspell
Sprengjuhöllin
The Musik Zoo
The Telepathetics x
Úlpa
Ultra Mega Technobandið Stefán
Worm is Green x
Wulfgang
XXX Rottweiler
!!! (chk chk chk) x
Bloc Party (UK) x
Boys in a Band (FO)
Chromeo (CA)
Deerhoof (US)
Grizzly Bear (US)
Ms John Soda (DE)
of Montreal (US)
Trentemøller In Concert (DK) x
Mugison
My Summer as a Salvation Soldier
Pétur Ben
Stafrænn Hákon
VilHelm

þær hljómsveitir sem eru x merktar eru eitthvað sem ég verð að sjá og ég verð illa reiður ef eitthvað af því verður á sama tíma. finnst samt súrt að bang gang séu ekki að spila.

http://www.icelandairwaves.is/

svo er það að frétta af britney spears að það eru 4 ný lög búin að leka á netið ásamt því að íslensku dagblöðin eru farin að skrifa um endurkomu hennar. það er grein um það í fréttablaðinu í dag fyrir áhugasama.

2007-09-02T00:00:00.000Z

hin umdeilda þokkadís britney spears er greinilega á fullu í að undirbúa comeback eftir allt ruglið sem hún er búin að vera í upp á síðkastið.

komin eru tvö ný lög, cold as fire og gimme more. hér er britney orðin lífsreynd og hörð, farin að blóta og sem dæmi um það eru upphafsorðin í gimme more:"it's britney bitch"

saklausa stelpan hefur svo sannarlega horfið í allri eiturlyfjaneyslunni því kemur hún með tvö gríðarlega harðkjarna danslög sem enginn ætti að láta framhjá sér fara...

britney spears - cold as fire og gimme more

"i'm cold as fire baby
hot as ice
if you have ever been to heaven
this is twice as nice!"

2007-08-31T14:28:00.000Z

nú er ég ekki mikill aðdáandi útvarpsstöðva eins og fm957 og xid977 þar sem aðal málið er að spila vinsælasta lagið sem oftast á dag. ég verð þó að segja að xid er búið að vera óvenju ágætt miðað við mörg önnur sumur. eitt af þessum lögum sem eru búin að vera í spilun í sumar er svo töff að það mætti binda mig fastan við stól og teypa headphone á hausinn á mér, spila þetta lag á reapet í nokkra daga og ég get lofað ykkur að ég fengi ekki leið á því..

lagið er well thought out twinkles með hljómsveitinni silversun pickups og má finna það myspace síðunni þeirra

ég veit ekki alveg hvað það er sem mér þykir svona gott við þetta lag, það er bara eitthvað við það sem fær mig til að vilja hlusta á það aftur og aftur

http://www.myspace.com/silversunpickups

2007-07-25T23:04:00.000Z

hver sá sem hlustar eitthvað af viti á útvarp ætti ekki að hafa látið þessa rullu framhjá sér fara:

Do the D.A.N.C.E.
1 2 3 4 fight
Stick to the B.E.A.T.
Get ready to ignite
You were such a P.Y.T.
Catching all the lights
Just easy as A.B.C.
That's how you make it right

þetta syngja dansfíklarnir í justice á nýjasta single sínum sem ber hið frumlega og aðlaðandi nafn D.A.N.C.E sem er skemmtilega líkt nafni á frægu lagi eftir gorillaz, D.A.R.E. greinilega nauðsynlegt að nafn lags hafi stóra stafi og punkta milli þeirra allra svo það fái einhverja útvarps spilun.

justice svipar gríðarlega til bæði daft punk og gorillaz þó svo að það sé meiri dans-bragur yfir lögum þeirra, blússandi dansmúsík með rólegum köflum inn á milli svo fólk nái andanum áður en brjálæðið byrjar aftur.

platan rennur í gegn líkt og eitt langt lag, og lögin sem eru sungin hafa mjög einfalda grípandi texta. ásamt því að semja efni remixa justice grimmt lög m.a. lagið "we are your friends". mæli sérstaklega með þessu, besta nýja party tónlistin frá því pendulum gaf út sinn disk.

http://www.myspace.com/etjusticepourtous

2007-04-01T17:00:00.001Z

nú bíð ég bara eftir því að sjá modest mouse á listanum yfir hljómsveitir sem ætla að láta sjá sig á hróaskeldu. ég veit ekki hvað þeir ættu að hafa betra að gera en að koma á hróa og kynna nýja diskinn sinn
we were dead before the ship ever sank.

þetta er hress diskur í anda modest mouse þannig að þeir sem hafa hlustað á hljómsveitina áður og líkar við hana ættu svo sannarlega ekki að láta þennan disk framhjá sér fara. ekki skemmir fyrir að gítarhetjan johnny marr fyrverandi gítarleikari goðsagnarkenndu hljómsveitarinnar the smiths spilar með þeim í flest öllum lögunum. söngvarinn í the shins syngur einnig bakraddir í einum þremur lögum eða svo.

svo það er bara að biðja og vona að þeir láti sjá sig á roskilde festival því verði af því þá verður svo sannarlega dansað og tjúttað!

2007-03-20T01:28:00.000Z

barði er líklega einn sá allra mesti og besti hvað íslenska tónlistarmenn varðar og ef ég ætti að fá að vera einhver tónlistarmaður að þá væri það tvímannalaust barði í bang gang. ekki nóg með að vera flinkur hljóðfæraleikari, nánast spilandi á öll hljóðfæri að þá er hann ótrúlegur hvað varðar hljóðvinnslu og allt sem kemur tónlist við.

ástæðan fyrir því að ég skrifa þetta hér er ekki aðeins vegna aðdáunar minnar á þessum manni heldur var bang gang að gefa út plötuna something wrong í bandaríkjunum og það sem enn meira máli skiptir er að ný plata er væntanleg á þessu ári. það er líklega það sem ég er spenntastur fyrir á þessu ári hvað nýjar plötur varðar og má bóka það að ég skrifi færslu um hana þegar hún kemur út.

einnig má þess geta að hann hélt tónleika hér á akureyri fyrir 2-3 árum síðan og verð ég að segja að það eru með betri tónleikar sem ég hef farið á hérlendis. svo ætla ég að láta fylgja þessu öllu saman remix útgáfu af laginu find what you get.

bang gang - find what you get (shout out out out remix)

2007-03-15T17:51:00.000Z

klaxons er hljómsveit sem verður á hróaskeldu nú í ár svo ég ætla að henda inn smá um þá. en klaxons er skipuð af þremur mönnum, sem ég efast um að einhverjum langi að vita hvað heita, en þeir koma frá bretlandi og hljómsveitin er staðsett í london. þeir spilar hressa tónlist en meðlimir hennar hafa skilgreint hana sem nu-rave.

hljómsveitinn varð fljótt fræg og hjálpaði netið þeim mjög mikið, nme urðu mjög hrifnir af þeim líka sem flýtti mjög fyrir risi frægðarstjörnu þeirra. þeir gáfu út árið 2006 sex laga ep plötu sem heiti xan valleys, en hún inniheldur 4 lög frá þeim ásamt tveimur remixum af lögum þeirra. árið 2007 gáfu þeir svo loks út sína fyrstu plötu sem að ég tel bara vera topp plötu enda er hún spiluð nánast daglega hjá mér, í það minnsta eitt og eitt klaxons lag á dag. en eins og ég segi þá verða þeir á hróa og ég ætla mér svo sannarlega að kíkja á þá.

lög sem vert er að hlust á:
two receivers
atlantis to interzone (ásamt remix útgáfu þessa lags)
golden skans
totem on the timeline
gravity's rainbow (ásamt remix útgáfu þessa lags)
it's not over yet

2007-03-13T01:40:00.000Z

indie rokk hljómsveitin blonde redhead hefur alltaf staðið fyrir sínu með ítölsku tvíburana simone og amedeo pace og hina japönsku kazu makino innanborðs. það var því spennandi þegar diskurinn þeirra 23 kom á netið núna fyrir stuttu. ég gerðist ólöglegur og niðurhalaði disknum og hlustaði á hann og það má með sanni segja að ég hafi ekki orðið fyrir vonbrigðum. diskurinn er fjörugri en síðasti diskur þeirra en í senn drungalegur og þungur sem myndar skemmtilegan þeyting.

þetta er diskur sem gæti sterklega lagt kvíurnar í að planta sér á topp lista criticts fyrir árið 2007 því hann er ákaflega áhlustanlegur og virðist ætla að hafa góða endingu. ég hvet því alla til að verða sér út um þennan disk, hvort sem þeir gerist ólöglegir eða bíði eftir að diskurinn komi í búðir hérlendis.

lög sem vert er að hlusta á:
23
sw
spring and by summer fall
heroine
top ranking

Bob Dylan - Nashville Skyline

2007-03-01T19:36:00.000Z

Is it rolling, Bob?

Robert Allen Zimmerman á sér fáa líka í tónlistarsögunni, fáir telja hann góðann söngvara og mörgum þykir hann slakur gítarleikari en það er ljóst að hann á sér fáa, jafnvel enga jafnoka hvað laga- og textasmíðar varðar. Árið 1969 gaf hann út plötuna Nashville Skyline, plata sem er yfirleitt ekki talin meðal hans vinsælustu platna en á svo sannarlega heima þar. Þessi plata er að mörgu leyti öðruvísi en það sem hann hafði gefið út áður, í stað grafalvarlegra mótmælasöngva kom léttvægt kántrýrokk, oftar en ekki með húmorískum textum sem hentuðu einkar vel þeirri tónlistarstefnu. Ekki nóg með að tónlistarstíllinn breyttist heldur hafði karlinn nýlega gefið upp reykingar sem leiddi af sér mýkri og þægilegri rödd en hann var frægur fyrir.

Platan hefst á dúett með engum öðrum en Johnny Cash, þar taka þeir félgar saman Girl From The Northern Country sem hafði áður birst á The Freewheelin' Bob Dylan. Þetta fallega lag er töluvert breytt frá upprunalegu útgáfunni en hentar þeim félögum þó einkar vel í rólegri kassagítarútgáfu. Næstu lög eru af ýmsum toga þrátt fyrir að eiga öll sameiginlegan kántrý bakgrunn. Instrumental lagið Nashville Skyline Rag byggist upp á klassískri kántrý-laglínu og opnar plötuna fyrir því sem á eftir kemur. Lögin eru flest stutt og vel útfærð fyrir hljómsveitina sem spilaði með honum á plötunni. Þrátt fyrir það helst live-tilfinningin sem oftar en ekki glatast hjá prodúserum samtímans. Lagið Lay Lady Lay er hugsanlega frægasta lag plötunnar, vissulega melódískt, en á annann hátt en flest önnur lög plötunnar. Vafalaust eitt það eftirminnilegasta. Hin lögin skera sig ekki jafn mikið úr en eru vissulega í toppklassa hvert eitt og einasta, melódían skín oftar en ekki vel í gegn í kántrýbúningnum og fjölbreytt hljóðfæri hljómsveitarinnar gefa þeim nýjan blæ.

Platan var síðasta plata Dylans á sjöunda áratugnum og markaði í raun endalok þess stöðugleika sem hafði einkennt hann allt frá upphafi. Þrátt fyrir að vera aðeins rétt rúmar 26 mínútur að lengd líður platan ekki fyrir það, því um leið og lokatónarnir hverfa út í sandinn er kominn tími til að byrja aftur á fyrsta lagi. Þetta má svo gera nokkrum sinnum í röð án þess að fá leið á plötunni, í hvert skipti má maður eiga von á að heyra eitthvað nýtt! Án efa plata sem getur gert örgustu metalhausa að mýkstu mönnum, læknað krabbamein og þynnku og leyst önnur vandamál heimsins, hver sem þau kunna að verða. Þetta er ein af þeim plötum sem hver maður verður í það minnsta að íhuga að skella á fóninn áður enn heimurinn ferst!

Fyrir áhugasama þá er hægt að nálgast plötuna fyrir 5 pund í Virgin Megastore, London, látið ekki coverið plata ykkur því innihaldið er engu líkt!

2007-02-28T17:59:00.002Z

jæja þetta er færsla númer tvö í febrúar mánuði, flott afrek. það gæti vel verið að það verði skrifað eitthvað meira í mars mánuði, ég lofa allavegana einni færslu. ein færsla á mánuði er fínt lágmark

The Piper at The Gates of Dawn

2007-02-01T00:26:00.000Z

Til að standa við fyrri áskoranir ætla ég að hoppa aftur í tímann, nánar tiltekið 40 ár því eins og alþjóð veit býr gleðin í þessu gamla. Árið 1967 var gott ár, menn eins og Jimi Hendrix, Lou Reed og Jim Morrison urðu áberandi í tónlistarlífinu, Cream gáfu út hugsanlega sína bestu plötu, Disraeli Gears, og Jefferson Airplane gaf út sitt meistarastykki, Surrealistic Pillow. Við ætlum þó að einbeita okkur að fjórum skólapiltum í London sem stofnuðu hljómsveit sem átti eftir að slá öll vinsældamet, Pink Floyd. Fyrsta platan, The Piper at The Gates of Dawn, er yfirleitt ekki talin meðal þeirra verka sem hljómsveitin varð síðar fræg fyrir en er þó án efa eitt sérstæðasta tónverk sögunnar. Áður en lagt var í gerð plötunnar hafði hljómsveitin náð ágætu orðspori í London fyrir vasklega sviðsframkoma og gefið út tvö lög sem notið höfðu töluverðra vinsælda, See Emily Play og Arnold Layne sem bæði eru uppsprottin frá forsprakka hlómsveitarinnar, Syd Barret. Það kom því fáum á óvart þegar í ljós kom að lög plötunnar yrðu flest samin af Syd, sem bæði var kúnstugur í textagerð sem og lagasmíði.

Platan opnar með laginu Astronomy Domine, lag sem fylgdi hljómsveitinni æ síðan og opnaði til að mynda safndiskinn Echoes. Lagið hefst á blöndu af skringilegum hljóðum sem áttu sér á þessum tíma enga hliðstæðu og gítarriffi sem erfitt er að gleyma. Hér má einnig strax heyra kúnstir Syds í textagerð, textarnir kunna að vera lítt skiljanlegir en þeir passa vel við melódískar laglínurnar. Astronomy Domine er klárlega hápunktur fyrri hliðar plötunnar en lögin sem á eftir fylgdu eru þó ekki af verri endanum. Lög eins og Matilda Mother og Lucifer Sam eru að mörgu leyti dæmigerð fyrir tónsmíðar Syd Barrets, byggð upp á einföldum melódíum og allt að barnalegum textum sem þó henta svo vel.

Seinni hlutinn hefst á instrumental verkinu, Interstellar Overdrive, sem líkt og Astronomy Domine hefst á gítarriffi sem seint gleymist og þróast svo út í bullandi sækadelíu sem virðist engan endi ætla að taka. Lagið var á þessum tíma stór þáttur á tónleikum hljómsveitarinnar enda einstaklega vel fallið að stórbrotinni sviðsframkomu sveitarinnar. Einnig má greina ýmislegt þarna sem hljómsveitin hélt í eftir að Syd yfirgaf bandið, eða öllu heldur var yfirgefinn. Hin lögin skortir kraftinn sem einkenndi Interstellar en eru engu að síður byggð upp á einföldum laglínum í anda þeirra laga sem höfðu áður náð vinsældum. Sér í lagi má nefna lagið Bike sem er yfirfullt af hljóðeffektum og melódíum sem voru einkennandi fyrir plötuna.

Þrátt fyrir að plötuna vanti heildarmyndina sem síðari verk Pink Floyd voru svo fræg fyrir þá er hér á ferðinni alger gullmoli í sögu prog-rokksins. Framúrstefnuleg tónlistin átti vel við og dreif áfram fleiri listamenn í þessum anda. Þetta er án efa plata sem ég mæli með, bæði fyrir byrjendur og lengra komna, jafnvel þeir allra útvarpsskemmdustu eiga að finna eitthvað þarna sem þeim líkar við.

Brjálaðir demantar eins og þessi finnast ekki á hverju strái.

Shine on

2007-01-23T14:52:00.000Z

criticts hefur fengið til liðs við sig nýjan liðsmann, hann daníel starrason, en hann mun sjá um skrif með mér hér á síðuna. hugmyndin er sú að ég skrifi þá um nýtt efni og hann um eldra efni til að hafa fjölbreyttni í þessu. ég býð þig bara velkominn daníel

2007-01-14T20:49:00.000Z

engin gagnrýni núna, langaði bara að benda á síðuna hans guðna
http://gudninn.blogdrive.com/
þar sem mér hlotnaðist sá heiður að vera í nýjustu myndasögunni hans

2007-01-06T23:44:00.000Z

nú er komið að henda inn þessum topp fimm lista en ég er að spá í að gera þetta þannig að það er listi yfir fimm bestu plötur ársins 2006, topp 10 listi yfir 10 bestu lög ársins 2006 og svo listi yfir fimm hljómsveitir sem ég hlustaði mest á '06. eftir mikla tölfræðilega útreikninga og almennar pælingar að þá er þetta útkoman:

byrjum á fimm bestu plötum ársins 2006:
1. hvar í hvergilandi - ókind
2. wolfmother - wolfmother
3. the garden - zero 7
4. wine for my weakness - pétur ben
5. and the glass handed kites - mew

plötur sem voru nálægt því að komast á listann eru: classics -ratatat, whatever people say I am, that's what i'm not - arctic monkeys, writer's block - peter, bjorn & john, ambulance - the telepathetics og dreams - the whitest boy alive.

næst ætla ég að taka fyrir topp 10 lög ársins:
1. in white rooms - booka shade
2. special - mew
3. boys from school - hot chip
4. dimension - wolfmother
5. ó, ég - ókind
6. above you - the whitest boy alive
7. young folks - peter, bjorn & john
8. this fine social scene -zero 7
9. a million ways - ok go
10. show me - the telepathetics

það getur vel verið að þið séuð ósammála mér með þessa lista en þið verðið þá bara að koma skoðunum ykkar á framfæri í gegnum komment kerfið á síðunni, komment sem fela í sér orðin basshunter, justin timberlake og boten anna eyðast sjálfkrafa.

svo ætla ég að koma með lista yfir hljómsveitir sem ég hlustaði mest á '06 en það þurfa ekki endilega að vera hljómsveitir sem gáfu út disk á árinu. en hann er eitthvað á þessa leið.
1. massive attack (gott að sofna við og hlusta á við dagleg störf)
2. ókind (flott íslensk tónlist)
3. pendulum (kom sterk inn í lok árs, party party)
4. mínus (come back ársins, gott að setja á mínus ef maður er syfjaður við lærdóm, eins og hressandi spark í punginn til að vekja mann)
5. elektróníka og britpop/indie tónlist situr svo í fimmta sæti.

þannig var nú það. ætla líka að veita hljómsveitunum cansei de ser sexy (CSS) og amon tobin verðlaun fyrir bestu hljómsveitir í desember mánuði.

takk fyrir mig og gleðilegt nýtt tónlistarár

2006-12-28T15:26:00.001Z

jæja, ég er að spá í skella inn hvað var mesta klúðrið í tónlist árið 2006 og hvað kom mest á óvart árið 2006.

það sem mér fannst alveg vonlaust tónlistarlega séð árið 2006 er nýja plata bloc party. það er oft erfitt að fylgja eftir góðri fyrstu plötu en þessi seinni plata þeirra var alveg glötuð, ekki í námunda jafn góð og þeirra fyrsta. ég ætla rétt svo að vona að þriðja plata þeirra verði áhlustanlegri.

það sem kom hvað mest á óvart árið 2006 voru hljómsveitirnar deftones og pendulum. ég bjóst ekki við að þetta væri eitthvað sem myndi heilla mig en annað kom á daginn. ég hef ekki verið mikill deftones fan en nýjasta platan þeirra er bara fremur góð og kom skemmtilega á óvart. pendulum var eitthvað alveg nýtt fyrir mér en þetta kom mjög skemmtilega á óvart og var nóg hlustað á diskinn þeirra hold your colour árið 2006.

meira ætla ég nú ekki að skrifa núna en bráðlega kem ég með topp 5 lista yfir bæði mest hlustuðustu lögin og bestu diskana árið 2006

2006-12-09T12:51:00.000Z

sérlega góðir tónleikar sem fóru fram í kvos menntaskólans á akureyri í gærkvöldi þar sem saman komu fræ og lay low. hún lovísa/lay low byrjaði þetta þar sem hún kom fram ein með kassagítarinn sinn. hún sigldi í gegnum prógrammið sitt með einföldu gítarspili og frábærum söng sem skilaði sér vel, hún hélt rólegri og þægilegri stemmning allan tímann. fyrir minn smekk er lay low mun betri læv en af geisladisk.

svo tóku fræ við, skipuð palla og danna úr maus, óþekktum bassaleikara, mr. silla og heimi úr skyttunum. þau voru með heldur meiri party stemmingu þar sem rappað og sungið var við popptónlist af miklu kappi. mér fannst silla standa sig frábærlega, ásamt allri hljómsveitinni, en hún stal senunni með skemmtilegri sviðsframkomu og frábærum söng. ég veit ekki hvað það er en mér finnst eins og palli sé að reyna að halda í æskuna því hann er þarna að umgangast mun yngri krakka og hann klæðir sig svipað og þau, fannst hann passa frekar kjánalega inn þarna. en hann kemur með gott gítarspil sem er það sem skiptir máli, ekki aldurinn.

topp tónnleikar sem voru gott framtak

2006-11-25T14:37:00.000Z

haldiði að ellismellirnir í hljómsveitinni rock star supernova séu ekki bara búnir að gefa út sína fyrstu plötu sem ásamt lucas sem sigraði samnefnda keppni. ég get ekki gert sjálfum mér að hlusta á þetta en ég er engu að síður nokkuð viss um að þetta eigi eftir að vera vinsælt meðal einhverra ameríku redneck rokkara. þegar keppnin var í gangi voru rockstar menn með yfirlýsingar um að þeir væru að framkalla eitthvað nýtt og ferskt en ég held að það sanni sig á þessari plötu að þetta eru útbrunnir endar sem ætti bara að segja þetta gott og lifa á þeim miljónum dollara sem þeir eiga eftir.

eini maðurinn sem ég ber vott af virðingu fyrir í þessari hljómsveit er jason newstead því hann er þó með eitthvað tónlistarvit, enda á hann að hafa "slasað" sig og getur ekki spilað með þeim á tónleikum. fréttir herma að þetta slys hafi aðeins verið til að covera það að jason vildi út eða að þeir gilby og tommy lee hefðu viljað hann út því hann passaði ekki í hljómsveitina. hvort sem það var held að ég að það hafi verið fínt fyrir hann að losna undan þessari rock star pínu

hvaða hljómsveit ætli púlli svona þátt næst.. rock star queen? rock star joy division? rock star nirvana? möguleikarnir eru óendalegir

http://www.myspace.com/supernova

2006-11-21T22:16:00.000Z

fannst vanta að koma núna inn með smá íslenskt fautarokk. hljómsveitin reykjavík! gaf út nýlega plötuna glacial landscapes, religion, oppression & alcohol sem er bara fínasti íslenski rokkruddi, hrátt sound og nánast öskrandi söngur gerir þetta af sérlega áhugaverðri plötu.

satt best að segja veit ég ekki mikið um þessa hljómsveit en meðlimir hennar eru sagðir vera miklir drykkjumenn og nefna einmitt áfengi sem einn af áhrifavöldum sínum á myspace síðunni sinni.

gaman að segja frá því að lagið þeirra all those beautiful boys var gaypride lag þessa árs. reyndar í útúr poppaðri disko útgáfu sem gerir lagið gay, en ég held að hafi verið tilgangurinn.

http://www.myspace.com/reykjaviktheband

2006-11-20T20:31:00.000Z

fitubollurokkararnir í deftones voru nýlega að gefa út sína fimmtu breiðskífu sem heitir saturday night wrist. ég hef nú aldrei verið mikill deftones aðdáandi og sem dæmi um það sleppti ég að fara á þá á hróaskeldu. af forvitni gerðist ég svo grófur að útvega mér plötuna og hlusta á hana. í ljós kemur að þessi plata er ekki jafn ruddalegur groddi og margt annað sem maður hefur heyrt með deftones.

mér þykir diskurinn vera meira í anda hins ofnotaða en alltaf jafn ofur svala bíómynda/þátta lagsins "change (in the house of flies)" sem þeir gerðu frægt á sínum tíma. hrottafengin öskur spila ekki jafn stóra rullu en deftones hljómurinn er alltaf til staðar. lögin mein (feat. serj tankian söngvara system of a down), hole in the earth og kimdracula eru afar áhlustanleg lög.

deftones - mein (feat. serj tankian)

http://myspace.com/deftones

2006-11-16T14:07:00.000Z

stockholm búarnir peter, bjorn og john skipa samnefnda hljómsveit (peter bjorn & john) og gáfu nýverið út plötuna writers block. þeir segjast vera undir áhrifum '60s baroque popps, orku popps og nýbylgju tónlistar en margir kannast kannski við blísturs gleðipoppslagið young folks sem hljómað hefur í útvarpinu undanfarna daga.

diskurinn er flottur, söngurinn sérstakur og það er eitt af því sem gerir þetta svona fjári skemmtilegt allt saman.

peter bjorn & john - the chills

2006-11-13T19:26:00.000Z

dúndrandi blikkljós, öskrandi há drum & bass/ jungle/ trance tónlist, allra lita glow stick og mis skær föt voru það sem einkenndu fjölmennasta þemaparty strandgötunnar til þessa. skemmtilegur viðburður þar sem villt e-pillu dansspor voru stigin í takt við þess lega tónlist, mitt framlag til þessarar tónlistar var mix diskur með lögum eftir pendulum og prodigy.

þannig að ef einhver er að fara að halda rave party á næstunni að þá mæli ég sérstaklega með þessum hljómsveitum, svín virkar.

http://www.myspace.com/holdyourcolour

http://www.myspace.com/theprodigy

2006-11-13T16:47:00.000Z

dönsk tónlist getur víst verið góð og það hefur sannað sig núna árið 2006 en ég held að ég hafi aldrei heillast jafn mikið af hljómsveitum frá danaveldinu en einmitt á þessu ári. ein af þessum hljómsveitum er who made who sem skipuð er af þessum þremur stæðilegu karlmönnum í beinagrindabúningunum.

þeir spiluðu á hróaskeldu en af allri flórunni sem finna mátti þar þá sleppti ég því að sjá þá. þeir spiluðu líka á nýafstaðinni airwaves og er ekki spurning um að ég hefði kíkt á þá hefði ég verið fyrir sunnan.

whomadewho - space for rent

2006-11-05T14:24:00.000Z

nýjasta nýtt í íslenskri tónlist er lay low, hún spilar bland af blús og kántrí-tónlist. það eru engin takmörk fyrir því hvað fjölmiðlar og tónlistarspekúlantar dýrka þessa ungu tónlistarkonu og hef ég ekki heyrt eina slæma umfjöllun um hana. þrátt fyrir stuttan tíma í tónlistarbransanum þá hefur hún afrekað ýmislegt t.d. er eitt lag hennar í mýrinni sem nú er verið að sýna í bíóhúsum.

allir spá því að hún sigri nýliðann á íslensku tónlistarverðlaununum og getur vel verið að það verði en ég er ekki sérlega heitur fyrir þessu, hver veit nema fólk sem les það sem er skrifað hérna líki við þetta.

http://www.myspace.com/baralovisa

2006-10-22T18:45:00.000Z

langt síðan ég smellti einhverju inn hérna síðast þannig að ég ætla að leyfa ykkur að njóta þessara tveggja myndbanda, annars vegar (hey you) what's that sound með les rythmes digitales og svo ofur töff live myndband af birdy nam nam að taka lagið abesses

gæti verið að ég fari að henda inn svona mynböndum af og til þegar ég hef ekkert til að skrifa um eða er bara heavy latur

2006-10-10T18:32:00.000Z

hljóðbútablandarinn rjd2 er alltaf með nóg af járnum í eldinum og nú árið 2006 gaf hann út diskinn magnificent city með rapparanum aceyalone. ekki nóg með það heldur stuttu seinna gaf hann út magnificent city instrumental sem allir dyggir rjd2 aðdáendur gætu verið sáttir með.

ég er viss um að hægt væri að láta hann fá hvaða hljóðbúta sem er, hann gæti skellt þeim öllum í einn pott og soðið saman úrvals efni. ég ætla ekki að kafa djúpt í þessar 2006 plötur hans heldur frekar smella inn lögum af disknum since we last spoke, lögum sem ég hef hlustað mikið á þessa vikuna.

rjd2 - ring finger
rjd2 - making days longer

http://www.myspace.com/rjd2

annar maður sem iðinn er við að henda út efni á stuttum tíma er beck en eftir að hafa gefið út guero og remix diskinn guerolito árið 2005 sendir hann nú frá sér diskinn the information. diskurinn er ótrúlega beck-legur ef svo má að orði komast. djúpur, dimmur pælingar diskur sem grefst mikillar hlustunar til að ná hámarki en þegar þangað er náð mun hann vera tíður gestur í græjum hlustanda.

nú er bara spurning hvort beck láti sér nægja að gefa einn disk út árið 2006 en árið 1994 gerðist hann svo grófur að smella þremur stykkjum á markað

á myspace síðu hans má heyra nokkur lög af the information

http://myspace.com/beck

2006-09-29T18:32:00.000Z

kanada!
ef þú ætlar að spila indie tónlist að þá er það nýjasta sápukúlan að koma frá kanada. metric kemur þaðan og fer bráðlega að sigla hingað til íslands með ferska strauma meðferðis og lætur svo allt flakka á iceland airwaves.

gott dans-indie sem má stíga tryllt spor við hvort sem þú ert á dansgólfi eða í sturtunni. monster hospital er lagið til að byrja á

http://www.myspace.com/metricband

2006-09-22T20:13:00.000Z

tónlistarmenn geta verið töff. gott dæmi um þetta er the polish ambassador, maður með headphone, sólgleraugu, midi hljómborð og í illa groovuðum galla, en framkvæmir bara frekar slæma tónlist.

hann er nokkuð eins og hermigervill, nema aldrei nærri jafn töff né jafn góður tónlistarmaður. ég gæti hugsanlega séð mig fyrir mér að hlusta á the polish ambassador á meðan ég væri að spila nintendo í geimskipinu mínu, annars að öllum líkindum ekki.

en hann er töff upp að vissu marki og það kemur honum ágætlega langt áfram í tónlistarheiminum, eftirtektarvert fólk á það til að komast fyrr í sviðsljósið en þeir sem láta lítið fyrir sér fara

http://www.myspace.com/polishambassador

2006-09-21T23:37:00.000Z

nú þegar ég við það að fara að sofa pæli ég í því hvað fólk hlustar á þegar það er að fara að sigla inn í draumalandið, ef það hlustar þá á einhverja músík við þá athöfn yfir höfuð.

ég held að allir geti sofnað við þá tónlist sem þeim líkar við. sem dæmi metal haus og metallica, köntrí maður og dolly parton, tölvupoppari og kraftverk, dauðarokks dýrkandi og cradle of filth, so on & so on.

massive attack virkar fínt fyrir mig

2006-09-18T23:20:00.000Z

pétur ben, maðurinn sem varð frægur með mugison þegar þeir tveir spiluðu svo unaðslega á gítar í laginu murr murr. nú hefur þessi fyrrum tristian meðlimur og mugison vinur gefið út sína fyrstu sóló plötu sem heitir wine for my weakness. eins og áður hefur verið sagt spilaði pétur með tristian sem gerði góða hluti á "hljómsveitir líklegar til vinsælda" plötunni spírur ásamt því að hafa bardúsað í mörgu öðru eins og tónlist fyrir söngleiki,spilað með hljómsveitinni mónakó sem gaf út lagið ég veit fyrir "nýju" stuðmanna myndinna og gera músíkina fyrir íslensku myndinni children eða börn sem sem á að vera byrjað að sýna í bíóhúsum.

wine for my weakness er topp diskur hjá pétri ben og væri margt annað vitlausarar sem þið gætuð gert við tíman ykkar en að tékka á honum eða myspace síðunni hans. white tiger er flott lag til að byrja á

http://www.myspace.com/peturben

svo þar sem að hermigervill er að fara að flytja til amsterdam að þá ætla ég að smella inn myspace síðunni hans líka þar sem hlusta má á og niðurhala remix útgáfum sem hann gerði af lögunum stars með quarashi og army of them með worm is green. hermigervill alltaf að standa fyrir sínu og leiðinlegt að hann sé ekki að fara að halda tónleika á akureyri á næstunni.

http://myspace.com/hermigervill

2006-08-25T22:59:00.000Z

hver kannast ekki við hina fremur slöku hljómsveit keane? menn sem urðu gríðarlega vinsælir fyrir ári eða svo og var ég gjörsamlega kominn með ælu í munninn í hvert skipti sem ég heyrði lag eða sá myndband með þeim.
nú voru þeir að gefa út nýjan disk (under the iron sea) og eru lög farin í spilun með þeim, is it any wonder? þ.á.m. alls ekki að gera svakalega hluti fyrir mig, hins vegar margt verra til í heiminum. ég gerðist engu að síður svo grófur og reddaði mér disknum, hlustaði á hann og kom mér mest á óvart hann var bara allt í lagi. sum lög má jafn vel flokka sem góð lög. ég vil ekki segja að ég sé orðinn aðdáandi keane en mér finnst þeir ekki jafn hræðilega óbjóðslegir og áður fyrr. farið á myspace og prófið að hlusta á lagið crystal ball, ef ykkur finnst ekkert varið í það að þá skuluð þið bara láta keane eiga sig.

http://www.myspace.com/keane

ég ætla reyndar ekki að gera ykkur það að tileinka keane heila færslu. ætla að koma að hljómveitinni the whitest boy alive, óeðlilega gott nafn á hljómsveit þó sér í lagi þar sem aðal vítamínsprauta hljómsveitarinnar er norskur, kjánalegur sláni með rautt krullað hár og stór nördaleg gleraugu, og að sjálfsögðu skjanna hvítur. hljómsveit sem byrjaði á að spila elektróníska tónlist en hefur nú fært sig yfir í strengjahlóðfæri, þessi hefðbundnu, og farnir að spila dansvæna indie disco músík. the whitest boy alive munu troða upp á airwaves í ár og væri það ekki amarlegt að skella sér.

áhugaverð lög eru burning og inflation
http://www.myspace.com/thewhitestboyalive

kasabian

2006-08-21T20:57:00.000Z

breskt er alltaf best, það hefur verið sannað ótal sinnum. bresk tónlist er best, breskar myndir eru bestar, breskur húmor er bestur, breskur fótbolti er bestur og svo framvegis. 28. ágúst, eftir viku, kemur út nýja plata bresku hljómsveitarinnar kasabian en þar sem ég er góðvinur hljómsveitarinnar að þá sendu þeir mér eintak af disknum svo ég gæti skrifað um gripinn. diskurinn heitir empire og er annar diskurinn sem þessi hljómsveit gefur út en árið 2004 gáfu þeir út glæsilega frumraun sína sem bar sama nafn og hljómsveitin. sem dæmi um frægð þeirra að þá er lag þeirra, club foot, í upphafsstefi tölvuleiksins pro evolution soccer 5, svo þið getið rétt ýmindað ykkur hversu stórt nafn þeir eru.

empire fjallar mikið um hörmungar sem fylgja stríði og vandræðum þeim tengdum, lagið seek and destroy er greinilegt merki um þessa stefnu sveitarinnar. hægt er að hlusta á diskinn í heild sinni á http://myspace.com/kasabian en það sniðuga við það er að þið getið ekki valið lag heldur verður maður að hlusta á allan diskinn.

áhugaverð lög eru empire og by my side

telepathetics

2006-08-14T22:03:00.000Z

nú er ég með net og net þýðir nýjar færslur.
það fyrsta sem ég ætla að taka fyrir eftir netleysið er íslenska hljómsveitin telepathetics sem nýverið voru að gefa út diskinn ambulance. diskur þessi var allur tekinn upp og masteraður í hljóðveri sigurrósar svo allar útsetningar eru fyrirbragðs góðar.

ég frétti fyrst af þessari hljómsveit í þættinum poppland á rás 2 og fyrir tilstilli skemmtilegrar framkomu meðlima sem voru í spjalli og afburða laga sem spiluð voru ákvað ég að verða mér út um diskinn og leggja á hlustir. ambulance er rokk plata út í gegn, ég geri mér það fullkomlega ljóst að ég á mjög líklega aldrei eftir að vera að tjútta við tónlist telepathetics á dansgólfum bæjarins og er það í fínasta lagi. músík þessi er fín til áhlustunar í heimahúsum, bíl eða öðrum stöðum sem fólk gæti verið spennt fyrir að hlusta á afar muse-lega (á köflum), íslenska rokk tónlist.

það má vera að þessi diskur hafi verið gefinn út um sumartíma en hún hefur svo sannarlega haust-/vetrarblæ yfir sér, þung og innlæg. ég mæli með að þið tékkið á lögunum þeirra á myspace. http://myspace.com/telepathetics

downfall

2006-07-05T21:43:00.000Z

bloggið er í smá lægð en þegar ég verð kominn í nýja húsið og með þokkalegt net að þá mun allt fara á fullt á ný, hróaskeldu frásögn og plötudómar.

raconteurs

2006-06-02T15:36:00.000Z

eftir vel heppnaðan feril með the white stripes kemur jack white og þrykkir fram á sjónarsviðið hljómsveitinni raconteurs. þeir eru búnir að gefa út sinn fyrsta disk og lofaði hann svo sannarlega góðu með fyrsta laginu "steady as she goes" en svo þegar lag númer tvö byrjaði var líkt og maður væri barinn í andlitið með grilluðum laxi. bitið og krafturinn hverfur og eftir verður eitthvað medium sull þar sem jack white og brendan benson skiptast á að syngja.

þó að diskurinn hafi kannski ekki verið neinn töfragripur að þá er heimasíðan þeirra svo sannarlega eitthvað til að fara í heljarstökk yfir. hún er sett upp eins og þú sért í eldgamalli tölvu back in the days þar sem bara er notast við lyklaborð, engin mús. getið kynnt ykkur lagið "steady as she goes" á þessari síðu.

http://theraconteurs.com

mew

2006-05-23T14:41:00.000Z

eftir flakk á rjómanum rakst ég á að hljómsveitin mew hefði verið að gefa út nýjan disk, "and the glass handed kites". album coverið er mjög fráhrindandi og nánast illa hannað þannig að ég ætla ekki að birta það hér.

þeir gáfur út plötuna frengers árið 2003 og á sá diskur sína spretti en hann er hins vegar ekki nærri því jafn góður og þessi nýjasta afurð þeirra. ánægjulegt er að engar pásur eru á disknum, hann rennur ljúflega áfram án þess að óvænt, brengluð stefna sé tekin milli laga. söngvarinn syngur hátt uppi og sennilega á fólk eftir að fíla hann mjög eða hata hann ótrúlega mikið. veit ekki hvað ég á að segja meira um þá, skelli frekar inn tveimur lögum

mew - circuitry of the wolf (intro)
mew - special

ekki skemmir það fyrir þeim að þeir eru að fara að toura með bloc party um bandaríkin, ekki allir svo heppnir

39 days

2006-05-15T19:56:00.000Z

þá líður að því að roskilde-festival hefjist, 39 dagar ef nákvæmni á að gæta. þá er betra að fara að ákveða hvaða hljómsveitir maður ætlar að sjá þó svo að það plan geti eitthvað breyst þegar út í drukknu danmörku er komið. here is my list:

artic monkeys (uk) / birdy nam nam (f) / clap your hands say yeah (us) / death cab for cutie (us) / deftones (us) / bob dylan (us) / figurines (dk) / franz ferdinand (uk) / dj grazzhoppa's dj bigband (b) / happy mondays (uk) / immortal technique (us) (maður verður að elta benna í smá hip hop) / kaiser chiefs (us) / kashmir (dk) / looptroop (s) / damian jr. gong marley (jam) / morrissey (uk) / placebo (uk) / scissor sisters (us) / the streets (uk) / the strokes (us) / roger waters (uk).

vonandi að maður komist yfir að sjá þetta allt. svo er líka fullt af öðru dóti sem ég þekki ekki neitt sem væri kannski gaman að sjá og jafnvel enn skemmtilegra undir áhrifum áfengra drykkja. en þið megið drulla yfir þennan lista eða dýrka hann, go nuts

steve

2006-05-10T00:59:00.000Z

steven seagal, ekki er maðurinn einungis sí ung, karate sparkandi hasarmyndahetja heldur er hann einnig bullandi tónlistarmaður. ég hafði ekki gert mér grein fyrir því að það væri hægt að vera bæði í einu en eins og fyrri daginn sannar steven seagal að allt er hægt. http://www.stevenseagal.com/, heimasíða þessa manns þar sem hægt er að lesa og skoða allt um hann, frábær lesning.

ókind

2006-04-28T14:41:00.000Z

við skulum lesa allar slæmu fréttirnar
af fræga fólkinu í blöðum
við skulum vona að eitthvað pínlegt hendi það
sem verði brátt á allra vörum
því sá sem sér stjörnuhrap má óska sér

við skulum finna okkur kaldan stað
á eyðilögðu og köldu skeri
við skulum skilja allt fræga fólkið eftir þar
og fylgjast síðan með hvað gerist
því sá sem króknar fyrst er verst klædda stjarna ársins

þetta syngja þeir í hljómsveitinni ókind sem nýverið gáfu út plötuna hvar í hvergilandi. verst klædda stjarna ársins er eitt skemmtilegasta og hugljúfasta íslenska lag sem ég hef heyrt í langan tíma og öll platan í heild er ótrúlega góð og vel unnin. hljómsveit þessi lennti í öðru sæti í músíktilraunum árið 2003 og er nokkuð greinilegt að á þessum þremur árum hafa þeir ræktað hæfileika sína því nú koma þeir sem fullmótað og áhugavert band.

platan er róleg og hress til skiptis, textinn er einfaldur en áhrifaríkur þar sem greina má nokkurn súrealisma t.d. eins og í laginu "Illar dylgjur" þá er sungið:"bæjarstarfsmaður, viltu reyta burt líkið úr eyranu á mér. bæjarstarfsmaður, viltu reyta burt arfann úr sjö fréttunum." (félagsfræðibrautarnemar, kallast þetta ekki súrealískt?). platan er stutt, aðeins 30 mín, en engu að síður bæði hjartnæm og gleðileg. það skiptir voða litlu hvaða tónlistarstefnu þú ert að fíla, það ættu allir að geta fundið a.m.k. eitt lag á disknum sem þeim finnst gott.

í gagnrýni sem ég sá um þennan disk þá er hljómsveitinni líkt við botnleðju á sínum fyrri árum, muse, radiohead og mars volta. ég veit ekki alveg hvað er til í þeim bendingum en það er nokkuð ljóst að þessar þrjár síðar nefndu hljómsveitir hafa alalr mjög sérstæðan söngvara og það hefur ókind líka. hljómsveitin er vel spilandi og ef söngvarinn fer í taugarnar á ykkur þá getið þið allavega notið góðs undirspils í öllum lögunum þar sem flottur hljómborðsleikur er mjög einkennandi. þetta er toppgripur og gaman verður að fylgjast með gjörðum þessarar hljómsveitar í framtíðinni, eina rétta í stöðunni að hafa augun opin og reyna að finna út hvar þeir eru að spila á tónleikum.

ókind - verst klædda stjarna ársins
ókind - heimsendi 19
ókind - ó ég (myndband)

placebo

2006-04-26T22:22:00.000Z

það hefur kannski farið fram hjá sumum en öðrum ekki að hljómsveitin placebo gaf út sína fimmtu breiðskífu nýverið. það hefur ekki mikið farið fyrir henni og hafa útvarpsstöðvar sem nást í akureyrarbæ ekki verið iðnar við að spila efni af disknum og ekki er ég með á hreinu hvað reykvískar stöðvar eru að bardúsa.

nýja platan, meds, skilur ekki mikið eftir sig þegar maður hlustar á hana í fyrsta skipti. en eftir nokkrar hlustanir verður hún betri, fleiri lög verða manni kunnug og hlustanlegri í kjölfarið. platan er rólegri en annað sem þeir hafa gefið út og minnir hún margt á plötu þeirra sem heitir black market music. ég verð samt að segja að hún nær engan vegin að fylgja eftir plötunni sleeping with ghosts þó svo að hún eigi alveg sín móment ef svo má að orði komast. bestu lög plötunnar að mínu mati og þau sem ég myndi mest vilja heyra á tónleikum eru sennilega "meds", "post blue", "one of a kind" og "song to say goodbye", allt lög í sprækari kanntinum þó svo að rólegu lögin séu góð suma dagana.

placebo munu svo vera á hróaskeldu núna í sumar en gott merki um hve vinsældir placebo fara dalandi er að á plaggati hátíðinnar sem búið er að hanna þá eru þeir þarna í smáa letrinu en ekki efst á baugi eins og þeir hefðu kannski verið þegar þeir voru hvað vinsælastir. plaggat þetta má finna hér. ég vona bara að þeir taki meira efni af gömlu diskunum en af þeim nýja, þó svo að brian molko söngvari hljómsveitarinnar hafi nýlega sagt í viðtali að hann væri orðinn svo spenntur fyrir að spila ný og fersk lög á tónleikum. hér er fínn listi yfir lög sem þeir mega spila á roskilde-festival:

bulletproof cupid
i know
every you every me
nancy boy
bruise pristine
plasticine
bitter end
soul mates
twenty years
i'll be yours
special needs
english summer rain
without you i'm nothing
this picture
meds
taste in men
song to say goodbye
peeping tom
pure morning
post blue
where is my mind?

músíka

2006-04-21T16:20:00.000Z

ég og friðgeir nokkur gerðumst svo kræfir að skella okkur á magnaða tónleika fyrir sunnan á vegum skólablaðs menntaskólans á akureyri. þar stigu á stokk ekki færri en 10 hljómsveitir úr öllum áttum tónlistarflórunnar. við mættum þó ekki fyrr en klukkan tíu og misstum þar af leiðandi af fyrstu böndunum en það kom ekki að sök þar sem við komum ákkúrat í tíma til að sjá þá hljómsveit sem við vorum spenntastir fyrir. við komum okkur þægilega fyrir meðal þeirra 60-70 manns sem þá voru á staðnum og fylgdumst með hljómsveitinni ég stilla sér upp á sviðinu. gleðispil, vel spiluð lög og húmor þeirra olli engum vonbrygðum og var sérdeilis skemmtilegt að fylgjast með þeim ég-liðum leika sitt efni.

á eftir þeim kom hver hljómsveitin á fætur annari. jan mayen spiluðu sitt prógramm af mikilli prýði og kyrjuðu hvað nick cave væri mikill haglapungur. því næst kom úlpa með sína sækadelik elektróníku sem fáir virtust meðtaka með góðu móti en ég skemmti mér með eindæmum. þá voru það gleðipoppararnir í jakobínurínu sem hoppuðu og skoppuðu um allt svið með tilheyrandi hljóðum og þá var fólksfjöldinn kominn hátt upp í 400-500 manns þó ég hafi nú ekki talið. öskur og illindi fylgdu hinum leðurklæddu og annars nöktu dr.spock liðum sem virtust ná vel til fólksins með skemmtilegri sviðsframkomu og látalætum. það voru síðan jeff who? menn sem slógu botninn í tónleikanna með vönduðu, diskópoppvænu tónlist sinni.

þetta voru sem sagt hinir glæsilegustu tónleikar, algjörlega 1000 króna virði. hins vegar er framtíð þess enn óráðin hvort meint tónleikagagnrýni muni nokkurtíman birtast í hinu virðulega muninsblaði, aðeins framtíðin getur leitt það í ljós.

úlpa - attempded flight

ok go

2006-04-16T17:05:00.001Z

indie indie indie, ég veit að þið fílið það öll þó þið segið annað. ok go er indie hljómsveit sem ég hef tekið upp á að hlusta á nýlega enda voru þeir að gefa út plötu sem ber hið frábæra nafn oh no, sem sagt oh no með ok go. ekki bara er nafn hljómsveitarinnar gott heldur er tónlistin þeirra mjög áhlustanleg.

þessi seinni diskur þeirra er kannski ekkert meistaraverk og það situr kannski ekki margt eftir þegar hlustun á hann er lokið en hann á alveg sína spretti. lagið "invincible" hefur gert allt vitlaust hjá reykvíkingum auk þess sem lögin "do what you want", "it´s a disaster" og "a million ways" skila góðu groovi.

ok go - a million ways

ef þið fílið ekki lagið þá verðið þið engu að síður að tékka á myndbandinu við þetta lag. það fer alveg á topp 3 yfir bestu dansmyndbönd en þar situr around the world með daft punk á toppnum. jafnvel að læra þennan dans og taka hann á góðu kvöldi í sjallanum?

ok go - a million ways (myndband)

bruise pristine

2006-03-30T00:15:00.000Z

band of horses framkvæma dapurlega indie-tónlist sem vert er að hlusta á. útpældar melódíur í bland við sjóðheitan, fágaðan og vandaðan söng hafa gert þá jafn fræga og þeir eru nú. tel ég að það líði ekki að löngu þar til músík þeirra fari að óma á öldum ljósvakans hér á íslandi

band of horses - the funeral

ætla líka að bomba inn hérna lagi með hljómsveitinni danielson sem ég veit voða fátt um annað en að þetta er maður einn sem semur mest megnis af tónlistinni og syngur, fær svo systkini sín með sér í sönginn og eitthvað að hljóðfæraleiknum

danielson - did i step on your trumpet

svo virðist deiglan hér á akureyri ætla að koma sterk inn um páskana, halda tvenna tónleika sem ég tel að eigi eftir að vera magnaðir. miðvikudaginn 12. apríl mun benni hemm hemm ásamt kgb, hljómborðsleikara og hugmyndasnilling ensími halda tónleika en kgb mun koma fram sem bob justman sem er solo verkefni hans. seinna í vikunni laugardaginn 15. apríl munu jeff who? ásamt numer null koma fram á sama stað. tónleikar og tjútt í páskafríinu

cocorosie

2006-03-27T19:48:00.000Z

indie-folk-tronic tvíkeykið cocorosie skipa þær bianca og sierra casady. þær ólust ekki upp saman en voru sameinaðar fyrir nokkrum árum og hófu þá strax að sjóða saman- og skapa tónlist. framandi, seðjandi, heillandi tónlist undir sykursætum söng einkennir tónlist cocorosie og ég er ekki frá því að maður verði bara betri einstaklingur á að hlusta á músík þeirra, allavegana hef ég ekki getað annað en að hlustað daglega á þær eftir að mér var bent á hljómsveitina.

svo fyrir þá sem þekkja til tónlistarinnar, eða verða gripnir ofsahrifningu, að þá munu þær halda tónleika á íslandi í maí á þessu ári. eiga tónleikar þeirra að vera sönn upplifun og svo ég vitni nú af event.is:"Áhorfendur geta aldrei vitað við hverju á að búast en stundum eru hátt í 10 manns með þeim á sviðinu; allt frá fiðluleikurum upp í "human beatbox". Myndvarpar og risatjöld eru notuð til að skapa sjónræna veislu og þar má allt eins sjá gamlar barnateiknimyndir sýndar hægt; áhrifin eru í senn drungaleg og barnslega sakleysisleg."

smelli hér inn laginu noah´s arc, titil laginu af nýjasta disknum þeirra, og myndbandinu við það

cocorosie - noah´s ark
myndbandið

donnie d

2006-03-17T20:18:00.000Z

nú er komin helgi og þá fer fólk að hugsa um teiti og skemmtanir. skemmtanagildi þessara athafna stjórnast eindregið af tónlistarvali skemmtanahaldara og keppast þeir því um að finna eitthvað með nægilega góðu groovi til að halda fólki á staðnum og í besta falli dansandi. þar er ég með lausnina fyrir þig kæri skemmtanahaldari - xploding plastix, norskur hress dúett. lúðrasveitar elektróníka er það sem öllum skemmtunum vantar þessa dagana og þar koma þessir félagar til bjargar

trip-hop og elektróník er það sem gerir góð party, hvenær hættu til dæmis einstaklingar að spila prodigy í símum teitum? einn góðan daginn verður haldið gott prodigy party, e-pillur og glow stick vel þegin

xploding plastix - the famous biting guy

bullfrog

2006-03-15T20:11:00.000Z

artic monkeys, bob dylan, clap your hands say yeah, deftones, franz ferdinand, guns n' roses, morrisey, placebo, sigur rós, the streets, tool, roger waters og kanye west.

allt eru þetta staðfestir listamenn á hróaskeldu 2006 og get ég fullvissað mig um að allir ættu að geta fundið sér eitthvað til að hlusta á, ásamt því að það eru mörg önnur smærri bönd sem eru staðfest og gaman væri að heyra í. ekki má líka gleyma því að eru 101 dagur í hátíðina svo það eiga enn eftir að bætast tugir hljómsveita við þennan lista.

ég er búinn að pannta flugmiðann út svo nú er fátt annað hægt að gera en að naga sig í handabökin af spenningi og horfa á dagatalið á fimm mín fresti til að gá hvort þetta sé ekki alveg að fara að byrja. ég hvet líka alla sem hafa einhvern áhuga á að fara að skella sér þar sem þetta á eftir að vera frábær skemmtun, jafnvel ef þið hatið tónlist þá má alltaf skemmta sér með fólki hvaðan af úr heiminum.

ætla að smella hér tvem lögum með hljómsveitinni clap your hands say yeah þar sem hún er nýjust á listanum og var að gefa út sinn fyrsta disk nú ekki fyrir svo löngu. hress, skemmtileg indie tónlist sem vert er að hlusta á hvar sem er. þó ætla ég að segja að ef þið fílið ekki sönginn að þá skuluð þið ekkert vera að eyða of miklu púðri í að hlusta á þetta því hann er nánast það sem gerir plötu hljómsveitarinnar að því sem hún er.

clap your hands say yeah - heavy metal
clap your hands say yeah - gimme some salt

ratatat & plötubúð

2006-03-08T22:46:00.000Z

elektróník er öllum holl og new york hljómsveitin ratatat lætur gítarspili mæta elektróník og skapar þar með villtan trans, gott groove og skemmtilega danstónlist. þetta er duo sem samanstendur af gítarleikaranum mike stroud og hins vegar tæknihausnum evan mast.

tónlist þeirra svipar til vel þekktu hljómsveitarinnar daft punk og kemur það manni ekki á óvart að finna á allmusic að það er eina hljómsveitin sem þeir telja sig vera undir áhrifum af.

ég segi að við stökkvum úr klassískri party músík næstu helgi yfir í ratatat, smellum þeim í græjurnar og dönsum þar til nóttin hættir að vera ung. að sjálfsögðu meina ég þá fyrir eða eftir ampop, dikta og hermigervils tónleikana

ratatat - seventeen years

næsta mál á dagskrá. upp hefur risið sú umræða að stofna eigin plötubúð sem selur aðeins efni eftir góða tónlistarmenn, í stað þess að vinna í búllu sem selur slæma tónlist. tel ég þetta vera hina bestu hugmynd sem ég hef heyrt lengi og væri gott mál að láta hana verða að veruleika. ég fengi þá með mér vel valið lið innkaupastjóra, einn sem myndi kaupa inn góða hip hop tónlist, einn sem sér um góðu djazz tónlistina, einn sem sér um radiohead plötukaup og annan sem sér um the mars volta, o.s.fr.

einstaklingur sem kæmi inn og spyrði um blink 182, fólk sem ég gef mér leyfi fyrir að segja að sé með lélegan tónlistarsmekk, verður vinsamlegast beðið um að ganga út. það er fátt annað ósanngjarnara en að þyggja peninga þeirra í skiptum fyrir lélega tónlist.

svo getið þið lagt ykkar að mörkum við að fjármagna þessa búð, annað hvort með nóg af lottómiðum eða klinki svo ég geti farið að stunda senjor salsa af miklu kappi í kössum bæjarins

the go! team

2006-03-07T18:24:00.000Z

segjum sem svo að ég væri að vinna í plötubúð, einstaklingur myndi nálgaðist mig og spurja:"ég er að leita eftir ferskri, frumlegri, gleðiplötu með góðum hljóðfæraleik, töktum og sömplum, ekki myndi skemma fyrir ef meðlimir væru af báðum kynjum og gæti hvert þeirra spilað á mörg hljóðfæri. áttu til eitthvað svoleiðis?"

þessi maður má vera glaður með að ég sé að vinna þarna því ég myndi smella á hann plötunni thunder, lightning, strike með hljómsveitinni the go! team. þessi hljómsveit samanstendur af þremur köllum og þremur konum og býður hún upp á allt ofarnefnt. band þetta gerir mikið upp á spilagleði og hamingju, þessu myndi maður tvímannalaust skella á fóninn á meðan maður keyrir um með brynjuís í hendi og sól á himni.

samblanda af gleðipoppi, góðum töktum og sömplum ásamt hip hop ívafi má finna á þessari plötu, sungin sem ósungin lög, og ráðlegg ég þunglyndu fólki að leggja á hilluna þær hljómsveitir sem syngja um hve erfitt lífið sé og að ekkert verði betra. í stað þess smella the go! team í spilarann og fagna gleðinni.

junior kickstart: hratt, ósungið lag með góðu grúvi, ásláttar-, strengja og blásturshljóðfæri notuð, eitthvað fyrir alla.

the go! team - junior kickstart

pistill

2006-02-24T01:09:00.000Z

í nafni þess að í dag sé kominn föstudagur að þá ætla ég að smella framan í ykkur tveimur vel völdum lögum sem hafa átt miklu fylgi að fagna í itunes hjá mér.

fyrra lagið er með hljómsveitinni wolf parade sem var að gera það virkilega gott árið 2005, var ofarlega á vel flestum listum yfir bestu plötur ársins. lagið it´s a curse stendur mikið upp úr og var það lagið sem fékk mig til í að renna í gegnum plötuna aftur, og aftur

wolf parade - it´s a curse

seinna lagið er með hljómsveitinni ..and you will know us by the trail of the dead sem er virkilega gott band sem hefur þá fjölbreyttni að hafa tvo trommara, allavegana á tónleikum. þó þetta sé hart nafn að þá er hljómsveitin ekki í þeim pakka að öskra úr sér inniflunum og fórna geitum, þetta er indie post-rokk hljómsveit sem er alveg þess virði að skoða

..and you will know us by the trail of the dead - will you smile again

gleymum því svo ekki að það er roskilde-festival næsta sumar eins og öll önnur sumur. nú gerir maður ekki sömu mistök og í fyrra með því að fara ekki, nú verður kíkkað til dk. hljómsveitir eins og franz ferdinant, placebo, sigur rós, the streets ásamt queens of the stoneage hafa ákveðið að mæta og enn eru 121 dagar í festivalið svo nóg af hljómsveitum eiga eftir að bætast við. allt um hljómsveitirnar sem búnar eru að skrá sig á festið má finna hér http://www.roskilde-festival.dk/object.php?obj=539000c&code=1

svo nú verður enginn plebbi og allir fara á roskilde þetta sumarið

úlpa

2006-02-17T18:50:00.000Z

ég er tilbúinn að borga þeim sem getur lánað mér nýja diskinn með úlpu 25kr, cash. þessi diskur á víst að vera bærilegur en sú saga er á kreiki um að úlpa sé meira tónleikaband en stúdíó stússarar. girl er eina lagið sem ég á með þeim og er ég búinn að hlusta á það af og til. ok frekar oft

úlpa - girl

nú eru einnig dóp-étandi dagar mínir taldir, það var köttað á mig og ég fæ ekki lengur my fix

ske

2006-02-09T20:49:00.000Z

ske, hljómsveit sem er hvað þekktust fyrir að hafa innanborðs þau guðmund steingrímsson kenndan við kvöldþáttinn auk ágústu evu, betur þekkt sem silvía nótt, en ástæðan fyrir því að ég gerist svo kræfur að nefna þessa hljómsveit á nafn er vegna þess að ég fékk nú nýlega í hendurnar nýjasta grip þeirra, feelings are great, og líkar afburðar vel.

góðar lagasmíðar, söngur og útsetningar einkenna plötuna og gera hana að virkilega hlustanlegum hlut. skífa þessi er þó örlítið dýpri og dimmari en fyrra verk þeirra "life, death, happiness and stuff" sem er útúrsmekkuð af hressleika.

það er hins vegar ekki ágústa eva sem ljáir ske rödd sína á þessum disk eins og ég hélt, heldur er það ungfrú ragnheiður gröndal sem syngur svona listavel í lögum eins og "beautiful flowers" og "girl at work". afsakaðu jónas að ég hafi logið því að þér að ágústa eva syngi á þessum disk, i just didin´t know any better. virðist vera svo að þær deili því með sér að syngja inn á plötur hljómsveitarinnar, jafnvel að ágústa eva hafi bara nóg á sinni könnu þessa dagana.

ekki hata hljómsveitina þó þið hatið gumma úr kvöldþættinum, gott band hér á ferð

ske - girl at work

coldcut

2006-02-04T19:06:00.000Z

hljómsveitir sem eru flokkaðar í sama flokk og massive attack, dj shadow og unkle eru svo sannarlega þess virði að tékka á. elektróníska hip hop/breakbeat bandið coldcut var stofnað 1986 í london og inniheldur það tvo dj'a. ég veit svo sem ekkert annað um þetta band en get aðeins sagt að lagið sem ég á með þeim er alls ekkert líkt massive attack, veit ekki alveg hvar allmusic fær þá tengingu. hresst lag engu að síður

coldcut - true skool

daníel ágúst haraldsson

2006-02-02T19:42:00.000Z

swallowed a star er diskur eftir daníel ágúst haraldsson, fyrverandi söngvara hljómsveitarinnar gus gus. platan kom út í lok síðasta sumars ef minnið er ekki að blekkja mig og hef ég alltaf ætlað mér að heyra þennan grip þar sem daníel gerði góða hluti með gus gus ásamt því að búið var að lofa þennan disk hástöfum. get ég þakkað tónlistargagnagrunni amtbókasafns akureyrar það að ég fékk loks að heyra þennan disk.

diskurinn inniheldur hæfilega mikið af tæknirúnki í sambland við strengjatónlist og útkoman er nokkurs komnar fullorðins popp. platan er þung en ég hlustaði u.þ.b. þrisvar sinnum á hana og það er ekki hægt að segja annað en að hún verði betri og betri með tímanum, góðar útsetningar setja svip sinn á plötuna ásamt einstökum söng daníels, platan er heilsteypt, vönduð og alveg þess virði að eyða tímanum í að hlusta á. ég mæli kannski ekki með henni fyrir alla en þeir sem hlustuðu á gus gus og eru nýjungagjarnir á tónlist ættu ekki að verða vonsviknir með þetta verk daníels

----

til að vega upp á móti þungri plötu þá ætla ég að koma með smá léttmeti en það er hljómsveitin people in planes. band þetta er frá cardiff í wales en þeir spila poppaða indie tónlist, alls ekkert sem ekki hefur heyrst áður, engar stórvægilegar nýjungar en þó ekkert sérstaklega mainstream heldur. það sem varð til þess að þessi hljómsveit fékk smá vott af umfjöllun er að leikarinn joaquin phoenix er mikill aðdáandi hljómsveitarinnar og leikstýrði hann myndbandi þeirra við lagið "if you talk too much (my head will explode)". ekki láta diddú-lega byrjun lagsins hrella ykkur

people in planes - if you talk too much (my head will explode)

músík

2006-01-29T18:32:00.000Z

fyrir þá sem ekki vissu að í gærkvöldi þá var oddvitinn the place to be. fólk gat sagt sér það sjálft að þegar hermigervill og trabant koma saman á einum stað með músíkgræjur sínar að þá verður tjúttað.

svo ég vindi mér beint í flytjendurna tvo, sleppi dj málum sem voru fyrir og eftir tónleika, þá var það hermigervill sem byrjaði. hann spilaði semfellda músík án þess að stoppa milli laga og kom þessi suðupottur mjög vel út, nýjar útgáfur laganna litu dagsins ljós í sambland við nýtt efni og spuna. maðurinn gerði sér svo lítið fyrir og reif sig úr þeim fötum sem hann hafði staðið í og kom þá í ljós glans rauður palliettu galli sem glansaði og glampaði á meðan hann spilaði tónlist sína, frumleg og flott framkoma. hann var í góðum gír og fyrir mér var hermigervill hápunktur kvöldsins.

á eftir hermigervil mættu trabant, sumir i leðurbuxum, aðrir í stuttbuxum og seint meir var fátt um föt en allan tíman voru þeir út úr smekkaðir af glimmeri sem smitaðist út í áhorfendaskarann. þeir tóku öll sín frægustu lög sem var mjög skemmtilegt og fólk kunni vel að meta glansið og glamorið þar sem dansgólfið var stútað af fólki í viltum transi.

mér til mikillar undrunar lagði einhver hendurnar sínar á axlirnar á mér og hoppaði ótt og títt, í forvitni minni leit ég við og var það þá ekki hermigervill sjálfur sem hamaðist á bakinu á mér og hafði svo sannarlega ekki sagt sitt síðasta orð þetta kvöldið þar sem hann fór hamförum á dansgólfinu allan tíman meðan trabant spilaði, krýni ég hann svalasta tónlistarmann íslands.

góðir tónleikar og árið 2006 byrjar skemmtilega hvað tónlist og tónleika varðar, gæðastympill criticts á þessa tónleika, ekki spurning.

( )

2006-01-24T22:50:00.000Z

prófmúsík

2006-01-20T07:59:00.000Z

í próftíð er magic og peruskyr nauðsynleg næring námsmannsins ásamt þessu lagi:

aphex twin - windowlicker

iforward russia! er eitt þeirra banda sem mikið er talað um í bretlandi þessa dagana, leeds band líkt og kaiser chiefs sem spilar þó mún ágengari og kraftmeiri músík. votta má fyrir áhrifum hljómsveita eins og sonic youth og at the drive in ásamt greinilegum hljómsvip breskarar tónlistar í þessu samspili aggresívra músítóna.

núverandi nafn hljómsveitarinnar, sem áður hafði heitið misgóðum nöfnum, er komið vegna þess að þeir vildu hafa meiri reisn og virðingu yfir nafninu en ekki vegna þess að þeir eru bulland kommúnistar né boðberar pólitískra stefna.
núverandi line-up og nafn er frá 2004 og líkt og arctic monkeys er fyrsta plata þeirra væntanleg á þessu ári. tónlistarárið 2006 virðist fara vel af stað

iforward russia! - thirteen
iforward russia! - fourteen

nýr orðaforði einhver?

2006-01-19T17:17:00.000Z

nú hef ég mikið verið að spá hvort ekki sé kominn tími til að hrista upp í tónlistarlegum orðaforða, svo ég taki nú dæmi:

tæknirúnk í stað techno og raftónlistar
sápukúlurokk fyrir fm hljómsveitir sem telja sig vera harðkjarna (sbr. blink182)
rímnarunu tónlist fyrir hip hop og rapp
ófétis tónlist í stað pönks

jafnvel gætu íslenskar hljómsveitir notað orðið nýmóðins í stað alternative þar sem því orði er hópnauðgað í stórum stíl.

möguleikarnir eru endalausir, what you reckon?

ninja!

2006-01-17T18:08:00.000Z

vegna áhugaverðs nafns og undalegrar ástæðu fyrir tilveru sinni ákvað ég að gá hvernig hljómsveitin ninja high school myndi spjara sig í tækinu hjá mér. hljómsveitin varð til vegna þeirrar ástæðu að einn maður var orðinn þreyttur á að hlusta á lagið butterfly með crazytown eða eins og hann sagði:"this sucks! i can do better than this!" upp úr því varð til ninja high school.

ég efast ekki um að hver sem er geti gert skárri tónsmíðar en óbjóðsbandið crazy town en ninja high school fer ekki mikið hærra en það. hljómsveit sem segir sig vera:"a positive hardcore dance-rap band" getur varla náð háum hæðum þó auðvelt sé að fá lög þeirra á heilann,"positive laser set it on!" en dæmi hver fyrir sig. þess má geta að hljómsveitin fékk falleinkunn hjá benna, hip hop/rap sérfræðingin criticts

ninja high school - positive laser

eftir ófagra en þó ekki allskostar ónýta reynslu af ninja high school ákvað ég að gefast ekki upp á ninja hljómsveitunum og næst á dagskrá var sænskættaða hljómsveitin loveninjas sem mætti lýsa sem: the killers meet the strokes meet modest mouse. hugljúfar og mótækilegar melódíur ásamt því að sungið er á ensku (fyrir þá sem fóru flatt á dungen).

verð ég að segja að loveninjas ber sigur úr bítum hvað betri ninja hljómsveitina varðar og þó ég viti lítið um hljómsveitina eins og er að þá er ég viss um að hún á eftir að gera fínustu hluti í íslensku útvarpi í náinni framtíð, mark my words.

loveninjas - meet me here
loveninjas - keep your love

myndband

2006-01-14T20:00:00.000Z

nú barst mér sú fyrirspurn frá dyggum lesanda hvort ég ætlaði ekki að fara að gagnrýna bíómyndir aftur en ekki aðeins tónlist. eins og ég sé hlutina að þá er mun meiri grósku og fjölbreytni að finna í tónlistinni ásamt því að maður getur algjörlega óvart dottið inn á eitthvað gott tónlistarlega séð. maður hins vegar dettur ekki beint inn á góðar bíómyndir alveg óvart án þess að þurfa að eyða einum og hálfum tíma í það, ef ekki lengur.

engu að síður hef ég ákveðið að hitta þennan dygga lesanda nánast á miðri leið og sýna honum og öðrum sem skoða þessa síðu myndband sem er með því frumlegra, betra og skemmtilegra sem ég hef séð í langan tíma.

hér er um að ræða jason forrest sem er með betri hljóðbútabræðurum í dag og skipar sér þar sess með ekki ómerkilegari mönnum en rjd2 og hermigervil. myndband þetta er við lag hans sem nefnist war photographer og í því má finna sambland af austantjalds teiknimyndastíl, transformers, glamrokki og víglegum/drukknum víkingum. þetta er fátt annað en taumlaus snilld og ættu allir að geta skemmt sér yfir þessu

jason forrest - war photographer (quicktime)

hairdoctor

2006-01-14T01:50:00.000Z

ég veit ekki hvort þið tókuð eftir hljómsveitinni hairdoctor í kastljósinu núna fyrr í kvöld, en þar er á ferð tveir hárgreiðslumenn sem kalla sig hairdoctor, voru að gefa út plötuna shampoo og dreifa sjampói í bréfum þegar þeir spila á tónleikum. settið þeirra var einkar áhugavert í kastljósinu, annar þeirra spilar á gítar með hárkollu hangandi á enda hans og söng í hljóðnema sem fastur var í hárþurku. hinn masteraði tölvumál og synth ásamt því að vera með hárkollu á standi rétt hjá sér. getið séð þetta á http://ruv.is undir sjónvarp, finnið þetta alveg sjálf.

ég er allavegana búinn að vera að leita að þessum disk nokkuð lengi án árangurs þannig að ef þið eigið hann eða þekkið einhvern sem á hann að þá væri ég meira en reiðubúinn í að fá þann disk lánaðann. hárgreiðslumenn sem semja tónlist.. hvernig getur það klikkað?

hairdoctor - major label

ég vil líka benda á, þó seint er, jólalagatal xfm þar sem samið var eitt lag fyrir hvern dag. má þarna finna skemmtilegt safn laga sem gott er að eiga fyrir næstu jól.

http://hairdoctormusic.com/jola.htm

síðast en ekki síst getið þið kíkt á heimasíðu sommerfuglerne sem er ótrúlega óaktív en það á allt eftir að breytast get ég lofað ykkur. just wait for it

http://sommerfuglerne.blogspot.com

depeche mode

2006-01-12T12:51:00.000Z

hver hefur ekki heyrt í eða heyrt um depeche mode, hljómsveit sem hefur verið starfandi frá 1980 og gefið út vænlegt safn af plötum. nú í október árið 2005 gáfu þeir út nýja plötu, playing the angel, sem að ég var satt best að segja skíthræddur við. ég hef ekki almennilega lagt í að hlusta á gripinn þar sem síðasta plata þeirra exciter slökkti mikið í áhuga mínum á hljómsveitinni, þó að á þeim disk hafi leynst góð lög eins og "dream on" og "i feel loved".

en nú gerðist ég svo brattur og renndi nokkrum sinnum í gegnum diskinn. ég get fátt annað sagt að ég hafi verið undrandi á því hve diskurinn var framúrskarandi góður. dm menn fiska hér á nýjum miðum þó að þeirra trademark tónn sé aldrei langt undan. gæti þessi nýbreytni stafað af því að söngvarinn, david gahan, er farinn að blanda sér í tónlistarsmíðar hljómsveitarinnar sem hafa ávalt verið í traustri umsjá martin gore, sem kalla mætti heila hljómsveitarinnar. gahan kemur með nýja strauma í lögin, frábrugðna þunglyndislegum hugsunarhætti gore, og gefur þetta plötunni einstakan blæ.

það hefur verið sagt að hljómsveitin sé loksins komin á þann stað sem þeir voru á fyrir fimmtán árum, á violator-tímabilnu svokallaða, þar sem þeir voru hvað frægastir og sígild lög eins og "enjoy the silence" og "personal jesus" litu dagsins ljós.

"suffer well", instant hittið "precious" og lög gahans, "i want it all” og "nothing's impossible” eru þau lög sem standa upp úr á þessari plötu sem er gengsteypt, rennur vel í gegn og mjög hlustendavæn svo þeir sem eru að komast í snertingu við depeche mode í fyrsta skiptið ættu ekki að týnast í djúpum pælingum gore og gahans.

það mætti segja að þessi plata hafi endurvakið áhuga minn á depeche mode sem leigið hefur í dvala í góðan tíma og af þeirri ástæðu hlýtur playing the angel með depeche mode gæðastympil criticts sem er hæsta viðurkenningarstig sem hægt er að vinna sér inn á þessari síðu.

depeche mode - suffer well

jeff who?

2006-01-10T20:14:00.000Z

hver elskar ekki gamalt, ófrumlegt, alternative, metal pop-pönk? fyrir þá sem urðu æstir að þá ber ég þær leiðinlegu fréttir að hljómsveitin jeff who? er ekki svarið. þessi hljómsveit er ný á nálinni, nokkuð flippuð hljómborðs/hljóðgervil rokkhljómsveit sem spilar hressa en einkar innantóma tónlist.

gítarleikur er sæmilegur, bassaleikur til fyrirmyndar, trommur halda takti en eru ekkert sem fær fólk til að klæja í klofið, hljómborðs/hljóðgervilsleikur er fínn þegar hann er og söngurinn er góður þó textasmíðin sé eins vond og söngurinn er góður. annað lag disksins "the golden age" er einstaklega gott lag en gefur þó varla til kynna hvað á eftir kemur, jú lög númer 3 til 10 eru kannski ekki harla ólík en þau bera engu að síður ekki sama gæðastympil og þetta lag.

það lag sem er hvað ólíkast hinum lögunum er lagið "bob murray" og hafa gagnrýnendur sagt að þeir hafi fengið niðurgang við það eitt að hlusta á þetta lag. ég er þeim algjörlega ósammála, held að þeir hafi einungis borðað skemmda kartöflu eða útrunnið extratyggjó, því mér finnst þetta hið ágætasta lag og ef ekki bara annað besta lag disksins.

semsagt fín diskó popprokkuð hljómsveit sem allt í lagi er að hlusta á from time to time. verður fróðlegt að fylgjast með hvort það komi nýr diskur með þeim og hvernig hann verði þá

jeff who? - the golden age
jeff who? - bob murray

arctic monkeys

2006-01-05T23:48:00.000Z

alltaf er eitthvað nýtt að koma, hvort sem það springur með púffi, pomp og prakt, verður endingarstutt og leiðindagjarnt, eða smýgur ósjálfrátt inn í undirmeðvitundið og maður man alltaf hversu góð platan/hljómsveitin var, líkt og góð súkkulaði kaka, mhhmm.. súkkulaði kaka.

nýtt nýtt, arctic monkeys. post punk, indie, danshæfur alternetive rokk hressleiki frá sheffiled, south yorkshire, englandi. sveitin hefur gefið frá sér nokkur lög þó eitt þeirra sé yfirgnæfandi vinsælast, i bet you look good on the dancefloor. hljómsveitin hefur ekki enn gefið út plötu þó frumraun þeirra sé væntanleg þann 30. jan 2006 en engu að síður er hljómsveitin orðin óhemju fræg á bretlandi.

þá spurjið þið að sjálfsögðu hvernig hljómsveitin geti verið orðin svona gríðarlega vinsæl án þess að hafa gefið út plötu? svarið er að sjálfsögðu internetið börn mín góð! þau fáu lög sem hafa komið með þeim hafa lent á internetinu og hafa fleiri miljónir manns náð í þau hvort sem það sé í gegnum itunes eða einhver ólögleg laga-niðurhals forrit. hvað voru metallica að tala um að internetið hefði vond áhrif á tónlistarheiminn? sannar bara að þeir eru þröngsýnir á nýja tækni, nýjar leiðir til að koma sér á framfæri og þeir hugsa um fátt annað en að þéna feitt cash. risaeðlur

mæli hikluast með arctic monkeys. eitthvað sem allir, fullir sem ófullir, geta dillað sér við á fimmtudagsoddvitum eða öðrum tónlistarlöghæfum skemmtistöðum sem því miður finnast ekki á akureyri.

arctic monkeys - i bet you look good on the dancefloor

2006

2006-01-01T18:11:00.000Z

þá er árið 2005 búið og árið 2006, ár tónlistar og annars, er byrjað. þá er upplagt að fylgja flæði blaða og útvarpsstöðva og gera lista yfir 10 plötur sem stóðu upp úr á árinu 2005. ég tek þó fram að þessi listi er örlítið öðruvísi þar sem plöturnar þurfa ekki endilega að hafa komið út árið 2005, heldur er þetta listi yfir þær plötur sem ég hlustaði á mest á árinu. listinn er svo hljóðandi

1. bloc party - silent alarm
2. depeche mode - the singles 86-98
3. massive attack - 100th window
4. death from above 1979 - you're a woman, i'm a machine
5. röyksopp - the understanding/melody a.m.
6. hermigervill - lausnin/sleepwork
7. kasabian - kasabian
8. kaiser chiefs - employment
9. ég - plata ársins
10. boards of canada - music has the right to children

það kemur örugglega öllum á óvart að bloc party sé í fyrsta sæti á listanum en svona er ég bara óútreiknanlegur. annars kom mikið af góðum plötum á árinu sem ekki komust á listann, þó sérstaklega plötur eftir íslenskar hljómsveitir t.d. dikta - hunting for happiness, sigur rós - takk, emilíana torrini - fisherman's woman, worm is green - push play, ampop - my delusions, jeff who - death before disco og lengi mætti áfram telja en það sem varð þess valdandi að þessar plötur komust ekki á listann var að þær komu flestar svo seint út á árinu þannig að maður náði ekki þessari þráhyggju hlustun á þær. hver veit nema þær komi sterkar inn árið 2006.

þessi listi er svo ekki bindandi fyrir smekk allra heldur er þetta aðeins listi gerður eftir minni tónlistarhlustun þannig að fyllist ekki óðagoti ef þið sjáið ekki uppáhalds hljómsveitina ykkar þarna.

áramóta wallpaper criticts, smellist hér

dikta

2005-12-29T02:45:00.000Z

að þessu sinni tek ég fyrir íslensku hljómsveitin dikta sem skipuð er fjórum einstaklega hæfileikaríkum mönnum og var sveitin nýlega að gefa út diskinn hunting for happiness. ace, gítarleikari bresku sveitarinnar skunk anansie stjórnaði upptökum á plötunni sem gerir það að verkum að platan verður fágaðri og betri hvað gæði tónlistarinnar varðar. þessi seinni plata diktu er mjög frábrugðin hinni fyrri, andartak, sem var hrá unglingarokkplata ef svo að orðum mætti komast.

á hunting for happiness er öllu umturnað, fullsköpuð, þroskuð hljómsveit lætur til sín taka og sem dæmi má nefna kemur fyrsta lag plötunnar "losing every day" sterklega til greina sem eitt besta lag ársins 2005. haukur heiðar, söngvari og gítarleikari hljómsveitarinnar getur jafnt sungið mjúklega, fallega sem og ákveðið og kröftuglega svo maður heyrir jafnt róleg og hugljúf lög í bland við snögg-poppuð rokklög. öll lögin hljóma vel og fanga mann allan, varla hægt að finna nokkurn galla í útsetningum, hljómi, lagasmíðum eða öðru sem við kemur disknum. diskurinn á fullt erindi inn á erlendann plötumarkað þar sem hann er engu síðri en það sem vinsælast er erlendis þessa dagana, enda var snjallt hjá dikta mönnum að fá til liðs við sig reyndan upptökustjóra. topp gripur

ekki má svo gleyma að dj rassgat, vel þekktur dj í kofa tómasar frænda vildi láta bendla við sig sem vin og meðspilara í þessari hljómsveit. rassgatið rokkar

dikta - losing every day

síðan er planið að koma með lista yfir 9 bestu/mest hlustuðustu plöturnar sem ég komst í kynni við árið 2005, auk þess sem áhugaverðast var í tónlistarlífinu á þessu ári.

unkle

2005-12-17T20:25:00.000Z

tilraunakennda elektróníska/hip hop hljómsveitin unkle frá london vakti athygli mína fyrir þó nokkuð löngum tíma en ég hafði steingleymt tilvist hennar þar til ég rakst á grein um hana nú fyrir stuttu. hljómsveitin samanstendur af þremenningum sem búa til hip hop sömpl og takta af stakri snilld og fá svo til sín þekkta og óþekkta listamenn til að koma fram í sumum lögum þeirra, t.d. mike d, thom yorke í laginu rabbit in your headlights, ásamt ýmsum öðrum. að mínu mati er diskurinn psyence fiction þeirra lang besti diskur þar sem trip hop taktar þeirra mæta allskyns tónlistarstefnum svo úr verður fínasta skemmtun.

allir ættu að geta fundið a.m.k. eitt lag með unkle sem höfðar til þeirra svo það er bara að fara út að leita.

unkle - unkle main title theme
unkle - rabbit in your headlights

gúmmí subway

2005-12-12T19:27:00.000Z

nú verð ég að segja að ég hef gaman af skondnum reynslusögum tengdum vinnu, en í gær sá ég og heyrði stúlkurnar á subway lýsa fyrir nýjum starfskrafti hvernig þær hefði einn daginn tekist að sletta sósu yfir glerið og jafnvel hafi það komið fyrir að þær höfðu slett sósunni upp í loftið, funny stuff? svo það munar nú ekkert um það hversu freaky og óútreiknanlegir hlutirnir gerast hjá starfsfólki subway.. þau leggja líf sitt augljóslega í hættu á hverjum degi.

en nú spyr maður sig hvar frumleiki hættir, er hægt að sigra frumleika? ég spyr því nú er einmitt til ákaflega frumleg jólaplata sem ber nafnið a rubber band christmas. hér er um að ræða fólk sem spilar jólalög á venjulegar gúmmíteygjur og verður útkoman afar áhugaverð. sláið í gegn í jólapartyinu ykkar með a rubber band christmas í tækinu.

feliz rubberdad

meira hér

boards of canada

2005-12-09T15:50:00.000Z

nú flytjum við okkur frá kanada en skiljum þó ekki alveg við það. varð nú á vegi mínum hljómsveitin boards of canada frá skotlandi sem spilar afslappaða raftónlist en þó á köflum lög með hröðu tempói. þetta er ótrúlega þægileg bakgrunnstónlist t.d. við lærdóm eða þegar maður er að reyna að sofna. orð sem fá lýst tónlistinni gætu verið á þessa leið: mild, draumkennd, fínleg, slóttug, afslappandi, dáleiðandi, drungaleg, undirgefin, dapurleg, sefandi, fáguð, fjarlæg og einkennileg. ég mæli eindregið með að fólk prófi að hlusta á nýja hluti, eitthvað sem það hefur aldrei heyrt áður og veit ekkert um, þá sérstaklega ef það hlustar alltaf á sömu hlutina og er farið að klæja í fingurnar á að heyra eitthvað nýtt.

boards of canada er trommu, synth/hljómborðs tónlist sem allir ættu að getað hlustað á án þess að verkja í eyrun að einhverju viti.

boards of canada - roygbiv
boards of canada - an eagle in your mind

hot hot heat

2005-12-05T20:39:00.000Z

ekkert lát er af kanadískum hljómsveitum enda verður maður halda sig nálægt uppruna sínum. hljómsveitin hot hot heat spilar hressa indie tónlist sem er 89% líkleg til þess að fá þig til að slá tagt með löppunum, dilla rassinum eða gjörsamlega brjótast út í viltan trans og dansa látlaust um allt herbergið.

eins og ég sagði er hljómsveitin frá kanada og var hún að gefa út disk á þessu ári sem nú er langt komið með að vera búið. platan heitir elevator og er ég búinn að hlusta örlítið á hana en þó ekki búinn að mynda mér skoðun um hana. hins vegar er platan make up the breakdown frá árinu 2002 í betri kanntinum, líflegur hljómborðsleikur kemur manni í gott skap í lögum eins og talk to me dance with me og no, not now. enn ein hljómsveitin sem hlýtur kanadískan gæðastimpil criticts og verður spennandi að sjá hvort fleiri kanadískar hljómsveitir hljóti þann heiður.

hot hot heat - no, not now

mannanofn.is

2005-12-05T18:44:00.000Z

benedikt

nafn þetta er tekið úr latinu, samsvarar latneska orðinu "benedictus" sem þýðir blessaður.

birkir

nafn þetta að öllum líkindum leitt af kvennafninu björk.

bjarni

nafn þetta er veik beygingarmynd af nafninu björn.

friðgeir

nafn þetta er myndað af forliðnum "frið" sem merkir friður, - ró, - næði og viðliðnum "geir" sem merkir spjót.

heiða

nafn þetta er stytting á nöfnum sem enda á "-heiður" og merkir björt, - skær.

jónas

nafn þetta er komið úr biblíunni af hebreska nafninu "yonah" sem merkir dúfa.

róbert

nafn þetta er tökunafn úr þýsku þar sem það er sett saman af nafnorðinu "hröth" sem merkir hróður, - frægð og lýsingarorðinu "beraht" sem merkir bjartur, - skínandi.

tryggvi

nafn þetta er leitt af lýsingarorðinu "tryggur" sem merkir trúr, - traustur.

þorvaldur

nafn þetta er samsett af forliðnum "þór" í merkingunni þrumuguðinn þór úr norrænni goðafræði, og viðliðnum "valdur" sem merkir hefur vald á, - ræður yfir.

örvar

nafn þetta er líklega myndað af forliðnum "ör" í merkingunni hermaður og viðliðnum "var" sem merkir gætinn, - varkár.

wallpaper 2

2005-12-02T21:27:00.000Z

þá er wallpaper desember mánaðar komið, taumlaus jólagleði

wallpaper 2

árshátið og jets overhead

2005-12-02T15:32:00.000Z

árshátið gærdagsins var vel heppnuð þar sem góður matur, húmor, tónlistaratriði og gleði var í fyrirrúmi og voru það svo bogomil font, páll óskar og miljónamæringarnir sem spiluðu á dansleik að lokinni formlegri dagskrá. gömlu dansarnir voru dansaðir uppi sem var mjög góð skemmtun ásamt ógleymanlegri, erótískri myndatöku 3.t. því má segja að þetta stórteiti á vegum menntaskólans á akureyri hafi vakið mikla lukku.

þar sem ég er 1/8 kanadamaður má ég til að birta nokkur orð um kanadadísku hljómsveitina jets overhead. segist hún vera undir áhrifum listamanna á borð við pink floyd, interpol og mamas and the papas en ég verð að segja að ég heyri ekki beint tenginguna við pink floyd en hinar tvær hljómsveitirnar eiga mun betur við. hljómsveitin er tiltörlega ný en þó hefur hún verið iðin við tónlistarsmíði og gaman er að segja frá því að þau eru svo gjafmild á vinnu sína að þau gefa manni þann kost að hala niður öllu efni sem þau hafa tekið upp, þar á meðal nýjasta disknum þeirra, að kostnaðar lausu. þessi hljómsveit hlýtur kanadískan gæðastimpil criticts

jets overhead - seems so far

worm is green

2005-12-01T00:50:00.000Z

push play er önnur plata íslensku hljómsveitarinnar worm is green og skellti ég mér á þann grip núna um síðustu helgi. ég renndi marg oft í gegnum diskinn og má segja að hljómurinn á honum sé samblöndun raf- og pop tónlistar í rólegri kanntinum. textarnir og boðskapur laganna beinast öll í átt að köldum raunveruleika vélanna og mætti segja að véltækni/vélmenni sé megin þema þessarar plötu en túlka má textana á ýmsa vegu eins og alla aðra texta og munu textahöfundar vera þeir einu sem skilja þá fullkomlega. söngurinn er einfaldur en skilar sér vel og það sama mætti segja um textana. auk þessa eru ýmsar laglínur mjög grípandi t.d. í laginu "electron john" þar sem maður byrjar að slá taktinn líkt og maður þekki hann en þó er maður að heyra lagið í fyrsta skipti. svipar þessi diskur mjög til "you", fyrst bang gang disksins, þar sem söngkona syngur og karlmaður hvíslar með lögunum líkt og barði var þekktur fyrir að gera.

trommuhljóð/trommuheilar, gítar, samplar, sythesizerar og önnur hljóðfæri og hljóð koma mjög vel út að mínu mati og henntar þessi diskur vel til hlustunar hvort sem manni vantar tónlistarefni til að hlusta á um miðjan dag eða eitthvað rólegt og þægilegt til að sofna við.

sigur rós

2005-11-29T00:52:00.000Z

nú í gær sá ég sigur rós stíga á svið laugardalshallarinnar. eftir fremur misheppnaða helgi var þetta það eitt af fáu sem gat gert þessa suðurferð þess virði að fara hana. tónleikarnir voru einstakir líkt og hljómsveitin sjálf og gat maður ekki annað en tekið eftir því hvernig þeir höfðu áhrif á fólkið allstaðar í kringum mann, sumir göptu af hrifningu á meðan annað fólk grét, svo sterk áhrif hafði flutingur sigur rósar á það! þeir spiluðu með hjálp lúðrasveitar og hljómsveitarinnar aminu sem hafði hitað upp fyrir af mikilli snilld.

sigur rós notaðist mikið við tjöld, annað tjaldið var bakvið þá og var myndum varpað á það á meðan þeir spiluðu en einnig var tjald sem fór fyrir sviðið. tilgangur þess var að ljósum var varpað á hljómsveitarmeðlimina þannig að skuggarnir af þeim komu risastórir á tjaldið sem var ótrúlega flott og eitthvað sem maður hafði ekki upplifað á tónleikum.

það var greinilegt að allir þeir sem komu að þessum tónleikum, hvort sem það voru hljómsveitameðlimir, ljósamenn eða aðrir, lögðu allt upp úr því að gera tónleika sem besta enda eftir tónleikana var fátt annað hægt að segja en "vá". flottasta tónleikarshow og tónleikar sem maður hefur farið á, þvílík upplifun

reykjavík og danmörk

2005-11-21T14:09:00.000Z

ég var á white stripes tónleikum sem voru bara svona helvíti basic. var nokkuð um mistök en samt sem áður voru tónleikarnir mjög góðir.

það er hins vegar eitt tónlistarmyndband sem ég verð að deila með ykkur en það er myndband með danskri 70's hljómsveit sem ég hef ekki hugmynd um hvað heitir en hún er hér að flytja lagið apache. í laginu er flott grúv og sæmilegasta lag í alla staði en það er hversu hallærislegt myndbandið er sem gerir þetta svo gott. myndbandið er 45 mb en þetta myndband er svo sannarlega þeirra megabæta virði.

apache

twink

2005-11-17T23:47:00.000Z

hljómsveit dagsins er einkar skondin en er það hljómsveitin twink. ég er mikill áhugamaður um hljómborð og finnst gaman að fikta í þannig græjum, á ég eitt lítið hljómborð sem gengur fyrir batteríum og annað blásturshljómborð ásamt því að vera með í láni full size hljómborð. hélt ég að ég ætti ágætt safn hljómborða en það er ekki neitt samanborið við það sem twink á. hljómsveitin á sennilega stærsta safn leikfangahljómborða sem hægt er að finna, virkilega stórt safn. er notast við þessi hljómborð ásamt öðrum hljóðfærum í lögunum en þar sem þetta eru leikfangahljómborð að þá eiga lögin nokkuð til að hallast út á barnalegu hliðina en þó er hægt að finna hreint út sagt mögnuð lög með þeim. broken record er nýjasti diskur hljómsveitarinnar og hef ég heyrt nokkur lög af honum en ég verð að segja að það sem ég hef heyrt af eldri diskunum er ég að fíla betur.

svo hér má finna hljómsveit sem spilar ljúfar laglínur á leikfangahljómborð í bland við breakbeat sömpl. mætti segja að þetta sé fremur mikil flipp hljómsveit en það er einstakt að einhver taki sig til og semji tónlist á svona hljóðfæri.

asleep in a snake basket - twink
hoppity jones - twink
catnip - twink

xiu xiu

2005-11-16T23:27:00.000Z

xiu xiu, ég skal lofa því að lögin sem þessi hljómsveit gerir eru betri en nafnið á henni. hljómsveitin samanstendur af fjórum meðlimum sem spila rafkennda tónlist í bland við háttstemmda synth takta og tilraunakennt rokk. hljómsveitin hefur gefið út fjóra diska en sá diskur sem ég er að einbeita mér að er diskurinn fabulous muscles sem gefinn var út árið 2004. er þessi diskur ótrúlega fjölbreyttur og heldur manni vel við efnið þar sem maður er annað hvort hugtekinn af tónlistinni eða sjokkeraður af framhleypni og tilraunasemi hljómsveitameðlima. þess má geta að þessi diskur var valinn diskur ársins 2004 í þáttunum karate og chronic á meðan þeir voru í fullu fjöri á x-inu. diskurinn er þungur á alla vegu, bæði þungur í hlustun og boðskapur hans er einkar þunglyndislegur þegar spáð er í því enda tel ég ekki að þessi diskur sé fyrir fólk með mjög þröngt tónlistarsvið. þetta er mjög tilraunakenndur diskur eins og ég hef nefnt áður og það er alltaf gaman að hlusta á eitthvað sem maður hefur ekki heyrt áður.

crank heart - xiu xiu

dungen

2005-11-15T19:44:00.000Z

hver sagði að sænsk tónlist gæti ekki verið góð? að sjálfsögðu er það fyrsta sem manni dettur í hug gaurar í fleignum, naflasíðum bolum með allt gelið í hárinu þegar talað er um sænska tónlist en þó eru nokkrar hljómsveitir sem skera sig úr allri slæmu tónlistarflórunni í svíþjóð. dæmi um fínar hljómsveitir frá svíþjóð eru abba, jebb.. I went there, svo eru það liðsmenn loop troop og svo einnig þessir félagar hér til hliðar, dungen.

dungen spila folk/rokk tónlist í bland við sömplun ásamt því að forsprakki sveitarinnar gustav ejstes er búinn að stúdera hvern og einn tón frá árunum 1965 til '75 og því er tónlistin nokkuð í takt við það. á sínum yngri árum var hann að fikta í hip hop tónlist og komst þá upp á lag með að sampla og má heyra það bregða fyrir í sumum lögum þeirra. hef ég verið að hlusta á disk frá þeim sem ber nafnið ta det lugnt, hljómurinn á þessum disk er ótrúlega flottur og maður festist gjörsamlega í því sem maður er að hlusta á, diskurinn er heilsteyptur og gaman er að hlusta á sænskan söng.

ég er enþá að hlusta á þennan disk og á eftir að leggja loka mat mitt á hann. hann virðist þó verða betri og betri við hverja hlustun. fínn og flottur diskur sem allir ættu að prófa að renna í gegnum.

panda - dungen

feilspor

2005-11-15T19:28:00.000Z

já ég verð að viðurkenna að þessi japan translator var misheppnuð tilraun til að krydda upp á síðuna. var þetta bara til leiðinda og valdandi misskilningi þannig að ég er búinn að taka þetta út.

setti inn criticts wallpapaer, markmiðið er að koma með einn wallpaper á mánuði

japan

2005-11-14T21:05:00.000Z

hverjum hefur ekki alltaf langað að vita hvernig nafnið sitt er á japönsku? nú er hægt að finna það út með nýjustu tækni criticts í samstarfi við síðuna japanese-name-translation.com

hægt er að nýta þessa frábæru tækni hér og hana er að finna í dálkunum hér til hægri

gagnrýni

2005-11-11T19:02:00.000Z

hver þekki ekki þessa einkaþjálfara, stjórnanda body balance og body combat týpur, geta verið fínustu menn en oft eru þetta cocky leiðindar dólgar. þeir mega vera eins fínir eða eins leiðinlegir og þeir vilja því ekki er ég í þessum tímum hjá þeim, en þó er eitt sem enginn af þeim á að gera.. hver kannast ekki við high-tempo, frisky frisk lögin sem alltaf eru í þessum tímum? nóg með að maður þarf að hlusta á þetta allt saman á meðan maður er í ræktinni því þetta ómar um allt húsið, en þegar þessir náungar fara að syngja með lögunum sínum í hátt stilltu hljóðnemana sína þá er mælirinn nú orðinn talsvert meira en fullur.

svo þess lags menn sem syngja með high-tempo lögunum sínum fá ekki nema 2 af 10 í einkunn á criticts.

ég vil líka endilega benda fólki sem notar internet explorer að fara ekki á criticts.tk heldur fara frekar á http://criticts.blogspot.com þar sem það er kominn einhver über slappur .tk banner þegar maður notar ie. þeir sem nota firefox eða opera þurfa ekkert að spá í þessu

internet explorer fær nú ekki nema einkunnina 3 af tíu þar sem hann er slappasti web browserinn

mengun?

2005-11-07T23:45:00.000Z

hver hefði haldið að renault bíll eins og minn mengi mikið? svo sannarlega gaurarnir hjá frumherja því þeir hleyptu bílnum mínum ekki í gegnum skoðun útaf því að hann á víst að menga of mikið. það er ekki eins og ég sé akandi um á amerískum dodge ram/monster truck! frumherji stendur fyrir peningaplokki og aumingjaskap

samkvæmt einhverjum útvarpsþætti á rás 2, þar sem þrjár stelpur voru að tala um jólaskreitingar, er orðið lufs helvíti heitt. ein sagði:"Já svona gervijólatré í potti, það er svo mikið lufs!"

verð að segja að þetta orð á vel um það sem gerðist á skoðunarstöð frumherja í dag, lufs!

tickle fickle

2005-11-02T18:50:00.000Z

blogg keðjupóstar virðast tröllríða íslandi þessa dagana, eins aumt og þetta er þá verður maður að svara kalli þjóðarinnar og gera lista yfir það sem maður hatar, heiðu version.. meira en fimm hluti.

ég tel mig hata:
stærðfræði sannanir, stærðfræðipróf, eðlisfræði, slæmt skólaefni, keðju bréf, tilgangslaus keðjubréf, keðjublogg, máttleysi, þreytu, skapstyggð, óheppni, fólk sem talar á við fimm manns, upplýsingaleysi, egg, soðið grænmeti, decutan/roacutan, snjóleysi í fjallinu, pungverki, blink 182, mariahu carey, maður var nefndur, allt í drasli, öfgahnakka, tuð, juð, pirring, slæma sjón og tímaleysi..

hate that shit