hér sit ég með ískur í eyrunum og ætla að rita niður sem og eina tónleikagagnrýni.

staður: oddvitinn
hljómsveitir: amor e morte, tony the pony og kingstone
dagsetning: skringileg

það tók mann ekki langan tíma að sjá hvers lags hljómsveit amor e morte var, en hún saman stóð af 5 meðlimum sem voru augljóslega að keppast um að vera með sem síðasta hárið. þeir hófu leikinn og einkenndist þessi sveit af afburðar góðum hljóðfæraleikurum en eins og stundum vill til með þessar dauðarokks hljómsveitir að þá var söngurinn ekki upp á marga fiska. þeir tóku nokkur frumsamin lög sem minnti mig á allar aðrar dauðarokks hljómsveitir sem ég hef heyrt í. ekki er ég viss um að þeir hafi höfðað alltof vel til mannfjöldans en það var áhugavert að fylgjast með þeim og voru þeir bærilegir. þó er ég með eina hugmynd að dauðarokkshljómsveit: menn sem spila dauðarokk, klæddir í skyrtur, vesti og annan snyrtilegann klæðnað. allir með stutt hár, helst stífgelað. þetta væri hljómsveit sem myndi skera sig eftirmennilega úr hinum dauðarokkshljómsveitunum þar sem mðelimirnir eru allir klæddir í slayer, metallica eða megadeath boli og með hár svo sítt að það gerir þeim erfitt fyrir að ganga klakklaust.

næstir á svið voru kingstone menn en þá hljómsveit skipa nú 4 menn í stað þriggja. voru þeir allir málaðir eins og einhvers konar beinagrindur í framan sem var mjög spes ásamt því að tala ensku út alla tónleikanna, þó var það ekki að skila sér neitt alltof vel. viltur gítar- og trommuleikur einkenndu spil hljómsveitarinnar og eins og venja er að þá sleit viktor gítarstreng. því var reddað með að hann spilaði restina af sessioninu á heavy metal gítar sem var nokkuð skondið. var þetta þétt og gott spil sem höfðaði vel til fólksins.

síðastir á svið voru tony the pony sem tóku alla sína rokk.is slagara í miklu tjútti. það sem einkenndi þessa fjögra manna sveit voru brúnir leðurjakkar ásamt svipuðu gítarspili í öllum lögunum. tók salurinn að tæmast þegar þeir hófu spil sitt, var það nokkuð augljóst að mannskapurinn var orðinn þreyttur. ég hlustaði á nokkra vel valda rokk.is hittara, tók mit hafurtask og kom mér svo út þar sem þetta var ekkert of spennandi hljóðfæraleikur.

tónleikarnir í heild voru sæmilegir, ágætasta þriðjudagsskemmtun. er ég að spá í að gefa þessu svona 6-7 stjörnur af tíu.. ekki meira né minna en það. góða nótt

skrifað af criticts 00:17 criticts