hér er á ferðinni mynd sem fjallar um leigumorðingja sem ekur á milli fórnalamba sinna í leigubíl sem keyrður er af manni að nafni max (jamie foxx) og verður max að reyna allt sem hann getur til að koma í veg fyrir að vincent (tom cruise) nái að drepa þá sem hann ætlar sér og einnig að koma sjálfum sér í gegnum alla þessa martröð á lífi.

þetta er myndin í hnotskurn og verð ég að segja að hún er bara nokkuð góð. jamie foxx er alveg þolanlegur og þrátt fyrir að ég sé ekki mikill fan að þá er hann bara bærilegur í þessu hlutverki. svo er það náttúrulega tom cruise sem fer á kostum sem hinn ofursvali leigumorðingi vincent sem er svona know-it-all gaur sem gerir myndina mjög skemmtilega. hann hefur verið að vinna sem sjálfstæður leigumorðingi í 6 ár og lætur aldrei koma sér á óvart, hefur semsagt alltaf lausn á öllu og lætur engan bilbug á sér finna. jamie foxx leikur mann sem hefur verið að keyra leigubíl í 12 ár og segir alltaf að það sé bara tímabundið þangað til að hann geti byrjað með sitt eigið fyrirtæki. þetta er basicly svona gaur sem þykist vita allt um allt, voða veraldarvanur maður en veit ekkert hvað hann á að gera við sjálfan sig.

myndatakan í myndinni er mjög góð og frumleg og virðist sem sumar senur séu bara teknar upp með venjulegri handcameru sem gerir þær mikið raunverulegri og flottari.

annars er söguþráðurinn í myndinni fínn en mér leist mjög illa á endinn. endirinn var alls ekki góður of hefði verið hægt að enda myndina miklu betur. ætla ég ekki að fara að upplýsa það hvernig hún endar þar sem sennilega einhverjir sem lesa þetta eiga eftir að sjá myndina og vil ég ekki skemma fyrir þeim.

en eins og ég segi að þá er þetta bara nokkuð góð mynd á heildina litið og hef ég ákveðið að gefa henni 3 stjörnur af 4 mögulegum og er það aðalega endirinn sem dregur þessa mynd niður.

collateral: ***


skrifað af criticts 21:44 criticts